US PRESIDENT JOE BIDEN NIH BIA A CHIM VE CANG, A CHIMMI AI PALH

Joe Biden nih ram mipi sinah bia a chimmi ka ngai i, a palhnak pakhat hmanh a chim lo. Afghan Cozah le ralkal santlaih lo lawng te ah a chiah. Ralkap lak ding in biachahnak ka tuahmi zong ka palh lo, kaa ngaichih naisai lo a ti. Kum 20 chung kan bawmmi hna si seh tangka in trillion in kan bawmhmi hna a siah hriamnam kan bawmh hna a siah santlai lo an canter a ti.

US cu kan rian aa lim, kan kut a thiang ti phun in a chim. Kan chuah takmi hna zong hi US caah miaknak a si cang a ti. Asinain Joe Biden aa palh ngai tiah ka ruah. Sept 11, 2001 ah Afghan hrambunh tapung nih US inn sang pipi pahnih an rak phomhpiak hna i minung zong 3000 leng an thi.US nih thinhun in a hawile NATO ralkap sawm in an luh hnawh hna. Tapung cu an doh hna.

US ralkap zong a thongthong in an thi; mipi zong a thongthong in an thi. Cozah an dirhpiak hna, ralkap an dirpiak hna, tangka he hriamnam he an bawmh hna. An i tinhmi cu tapung hrimhrim kha cawl kho loin tuah kha an hmuitinh si. Cu lo ahcun Afghan hi tapung khur le kua a si than sual lai i, US ram chung ca le ramleng mipi caah ral lian tuk an si lai ti an phang. Cuticun an um pi hna i kum 20 a tling. Hi chung vialte cu US a him khen ah a cang. Afghan ram Cozah zong a dir kho cang lai tiah an zumh. Asinain CIA nih Joe Biden sinah an chimmi cu: Ralkap na lakkhanh hna ahcun an dir kho lai lo. An tlu colh lai an ti. Joe nih an bia ngai lo ti a si.

Kan kaltak hna ahcun tapung khur le kua ah a cang tha lai i 2001 lio bantuk ah kan kir than kho timi a ruat lo i, mi dang tu kha a kutdong in a sawh hna. Tapung khur le kua ah a can than i US dohnak hmun le hma ah a can thsn ahcun US nih trillion dih in an bawmhmi hna; ralkap le hriamnam he an bawmhmi hna; kum 20 kan bawmhmi ah kan hmuitinh a tling ko a timi vialte cu a papalawng bak a si lai. Credit: Luther Tin Hre

Afghanistan crisis Live Updates: At least five killed at Kabul airport, say  witnesses

Thawngpang dang. Tuni thok in August ni 29 tiang mizeihmanh lengah nan chuak lai lo tiah ralhrang kawlralkap hna nih Mandalay ah nawl an chuah. Zarhpi zarh hnih chung zingka suimilam pakua in zanlei suimilam pathum tiangah mizeihmanh lengah nan chuak lai lo. A chuak mi paoh cu tlaih nan si cang lai tiah ralhrang kawlralkap nih tuni thok in nawl an chuah.Tutan ah hibantuk in ralhrang kawlralkap hna nih Mandalay ah lengchuah lo dingin nawl an chuahnak a ruang cu covid zawtnak a karh tuk caah asi tiah an langhter.

Asinain ralhrang nawlchuahmi cungah lunghrinh mi an um rih. Thildang tuah an timh caah hna ah a si hnga maw tiah an chim. Hi nawl an chuahmi chungah damlo mi hna tucu chuahvah khawh asi.Cun bazar kal a duhmi hna nih zingka suimilam pali in zingka suimilam pakua tiang i bazar caan a si lai i, zanlei suimilam pathum in zanlei suimilam paruk tiang on a si lai. Tuni ah thanhnak an tuah hnu cun ahohmanh leng ah a chuakmi an um lo tiah an langhter chih.

Be the first to comment

Leave a Reply

Your email address will not be published.


*