AN BUAI TTHAN TE LAI HIH, US NIH THANHNAK AN TUAH TTHAN CANG

US le Tuluk karlak ah thawngpang linsa ngaingai mi achuak hoi cang. US nih Tuluk ramchung in luhpi mi thil cu kham an timh cang hna. Tuluk ram Xinjiang region in thil chuahpi mi hna hi rianttuantu hna pawl hramhram in an tuahter mi hna a si tiah an chim caah atu bantukin US nih kham a timhnak hi a si tiah an chim, Kham an timhmi chungah atanglei hna pawl hi a si.

Thil kham an timhmi chungah hin cotton siseh Tomoto tiangin aa tel. Hi thil pahnih hi Tuluk nih biatak tein an kuatmi pawl asi tiah an chim chih. Hi konghe pehtlaiin Donald Trump cozah nih Tuluk cu Xinjiang ah a ummi Uighur Muslim miphun cungah hramhram or ningcang loin na cawlcaang tiah ati caah atu zong biatak ngaiin a doh cuahmah lio asi.

Tuluk cozah nih biatak tein hi hmun le hma ahhin security a chiah thluahmah hna. Asinain tuluk cozah nih cun hithil kan chiahnak cu ralhrang kilvennak ah a si tiah an ti ve. Hi konghe pehtlaiin US CBP nih WRO timi withhold Release Order atuah cuahmah lio asi i, hi hmangin hramhram in riantuanternak Forced Labour aum tiah ruahmi thilri hna cu tleih or kham khawhnak phung a um.

Tutan ah hi phunglam an tuahmi hi minung zuarh siseh hramhram in hngakchia rianttuanter cu, nuhrin covo ti bantuk caah an tuahmi asi. Kum hramthok zongah khan US lawmaker hna nih Tuluk, Xinjiang in a rak lutmi thil hna cu hramhram in riantuanter mi an silo timi tehte a umnak dingmi phunglam an rak chuahpi bal cang.

Hi konghe pehtlaiin CBP timi US Customs and Border Protection ah Executive Assistant Commissioner Brenda Smith nih atimi cu thilkuatmi chungah Cotton le tomato an rak kuatmi ahhin forced labour a um hrimhrim ko tiah kan theih. asinain tehteh tu cu kan ngei lo tiah a chim pin ah hithil hi dottletnak kan tuah peng ko lai tiah a chim.

Tuluk nih Cotton hi vawlei pumpi ah 20% hi a kuat tawn ti asi. Atam bik cu Xinjiang ah an ser chuahmi pawl an si tiah an chim. Hi hmun le hma pawl hi Tuluk nih biatak tein chawleh chawhrawlnak caah a hmanmi a si i, TUluk caah cun an hmunhma attha taktak mi zong asi. Asinain hi hmun le hma ah a ummi hna cu hramhram in rian an ttuanter hna tiah an chim chih.

Be the first to comment

Leave a Reply

Your email address will not be published.


*