VAWLEIPI THEIH IN THANHNAK TUAH A TIMH RUANGMANG

US Congress member hna nih an phan taktak mi cu thanhnak tuah atimh cang. US nih thawngthanhnak tuah atimh cang. Houthi ralkap hna cu US nih ralhrang cazin ah khumh in thanhnak tuah atimh cang. Yemen ram chung buainak konghe pehtlaiin US nih Houthi ralhrang pawl hna cu ralhrang cazin chungah chiah atimh cang. Hi konghe pehtlaiin US Secretary of State Mike Pompeo atanglei bantukin a chim.Hi konghe pehtlaiin Ramri tukdohnak acang mi siseh, ramchung mipi caah harsatnak a chuahtertu ah mawhphurtu hna hi Houthi pawl an si tiah a chim. An ttuanpi hawi Iran he hin thiltthalo tukdohnak an tuahmi hi donghter kan timh hna lai tiah a chim chih.

Tutan ah US nih timhtuahnak an ngeihning in Houthi hna hi ralhrang cazin ah an chiah hna asi ahcun Yemen ramchung buainak hi akarh lai ti asi.Hi thil hi US Congress member hna nih an phang ngaingai ti asi. UN Peace Talk tuah cuahmah liomi zong abuaiter khawhmi asi pin ah harsatnak or buaibainak hi akarh sual lai tihi an phang. Sihmanhsehlaw tutan ah Mike Pompeo nih hi kongkau hi thanhnak atuah, Cun congress sin ah Houthi pawl hi ralhrang cazin chungah khumh dingin State department nih theihternak atuah lai tiah achim.

Culawng siloin minthlur in alanghter tthan rihmi cu Abdul Malik al-Houthi, Abd al-Khaliq Badr ral-Din al-Houthi le Abdullah Yahya al Hakim hna zong Global Terrorist ah thanhnak tuah timh a si tiah a langhter chih tthan. Hi konglam hi Congress nih cun an thin aphang ngaingai ti asi. Ralhrang cazin ah khumh an s i ahcun buainak hi akarh sual lai tihi an phang ti asi ve.

Relchih:Franklin Graham nih thlacam acahmi ah minung pakhat comment atuahmi cu amak ko. Franklin Graham nih atimi cungah minung pakhat nih comment atuahmi cu minung thonghra leng nih like an pek. Atimi cu Na chimmi ahmantuk, an caah thla kan cam ding asi, Nain anmah he lungrual cu asi kho lo. Sualnak cu kan doh ding asi lo maw? an mah kan dawt khawhnak dingah cun thla kan cam ding asi ko. Nain hmunkhat umti tucu ka duh lo tiah ati.

Theihcio bangin US thimnak kong buainak aa thok bakin Donald Trump caah thla acam lengmang mi cu Franklin Graham nih US siseh vawleicung hmunkip kakip a ummi Khrihfa hna cu US president asi dingmi Joe Biden le Vice President asi dingmi Kamala Harris caah thlacam piak dingin sawmnak atuah. Acung chimcia bangin Franklin Graham cu Trump caah thla acam lengmang mi asi.

Zumtu vialte hna cu lungrual tein Joe Biden caah thlacam piak ding sawmnak atuah. Atimi cu Civil war achuah hnu ah kan ram buainak cu alinsa peng i, Khrihfami hna lungrual tein US President thar Joe Biden caah thla cam hna usih. Party pahnih hna rampi an hruai khawhnak dingah thlacam uh, Khat lei veve an mualpho lonak dingah siseh America ram mipi vialte an hruai khawhnak dingah thlacam uh tiah ati.

Hi konghe pehtlaiin Franklin Graham cu minung pakhat nih comment atuahmi cu minung thonghra leng nih like an pek. Atimi cu Na chimmi ahmantuk, an caah thla kan cam ding asi, Nain anmah he lungrual cu asi kho lo. Sualnak cu kan doh ding asi lo maw? an mah kan dawt khawhnak dingah cun thla kan cam ding asi ko. Nain hmunkhat umti tucu ka duh lo tiah ati.

Be the first to comment

Leave a Reply

Your email address will not be published.


*