US MIPI VIALTE AN THINHUNG DIH NANCY PELOSI FAKTUK IN A MUALPHO

Trump a hua taktak mi Nancy Pelosi cu zohchia taktak in a mualpho ruangmang cang. Zawtnak a zualhma taktak nak hmun a simi San Francisco ah Nancy Pelosi cu a thlithup in Sam tuahnak dawr ah asam aa tuahnak video an langhter cang. Mipi nih video an hmuh bak cun biatak tein an soisel i, fah lak tein an tthuat chih rih. Hi hmun hi abiapi ngaingai mi hmun asi.

Zawtnak ruangah Sam tuahnak siseh Sam riamnak siseh Restaurent a phunphun hna cu an khap dihmi asi i, mi zeihmanh nan dawr nan on hna lai lo tiah nawl an chuahmi asi. Hi nawl a chuahtu hmanh hi Democrats an si hna, Nawl angai lomi hna cu thongthlak le tangka tampi an cawiter lengmang tawn hna. Asinain Nancy Pelosi cu athlithup in phung arak kalh diam.

A Sam aa tuah lio zongah hin hmaihuh Mask zong aa vuah lo. Mask hi mi zeipaoh nih nan hman dih lai tiah nawl an thanh chih rih mi asi. Ram mipi hna nih Nancy Pelosi cu faktuk in sual an phawt caah phisinnak lam a kawl ve. Nancy Pelosi nih a ti vemi cu Sam tuahnak angeitu nih hin timhciammam tein a rak i hmui tinh mi asi caah ngeihthiam rak ka hal seh ti a ti ve.

Hi konghe pehtlaiin US President Donald Trump nih fak ngaiin atthuat mi cu Nancy Pelosi hi midang zulh dingin bia a chim lengmang i, amah nih pei a zulh lo hi, Dawrngeitu nih mualpho in mi atuah hna hi ka zum lo. Rampi pakhat hruainak innpi hmanh ah lutlai asi mi nih Sam tuahnak dawrngeitu hna sualphawt leh lam cu an rian hi i thleng hna sehlaw attha deuh lai tiah a ti.

An rian i thleng hna sehlaw attha deuh lai tiah US President Donald Trump nih a chim duhnak cu Nancy Pelosi hi samtuahnak dawrngeitu siseh law samtuahnak dawr ngeitu hi Nancy Pelosi dirhmun asimi House Speaker siseh law a ttha deuh lai tiah a ti duhnak a si. Nancy Pelosi cu theihcia bangin ralttha ngaingai in bia achim tawnmi asi. Nain tutan cu amualpho ning a zual taktak.

Be the first to comment

Leave a Reply

Your email address will not be published.


*