US MINAK PAWL NIH TRUMP AN DIRKAMH MAW TIMI A FIANG CANG

US minak pawl nih Donald Trump hi an uar maw? uar lo timi an langhter cang. Donald Trump a duhtu hi minak chungah an karh chin lengmang cang tiah an langhter. Naite an tuahmi Republican pumhkhawmhnak hrawng in khan Donald Trump cu Minak pawl nih an duh in uar hram an i thok cang ti asi. Minak chungah Trump a dirpi mi hi 9 point bak in an karh ti asi.

Hi konghe pehtlaiin ahnu bik mipi ruahnak laknak Hill-HarrisX Poll ah fiangtein a lang. America ah a ummi Minak pawl hna cu biahalnak an tuah hna i, Donald Trump president attuannak ah na lung tling maw tling lo tiah an ti hna. Hi chungah Minak voters 25% nih Trump rianttuannak kan lung atling tiah an chim.

Aliamcia tuan deuh ah mipi ruahnak an lakmi nak in point 9 a hung kai tiah an chim. Ahnu bik miruahnak an langhtermi le a tu karlak te hmanh ah hin Trump a dirkamh mi cu 2% in a hung kai manh tiah an chim. CAAP timi Coalition of African American Pastor hruaitu hna nih Joe Biden nak in Trump an dirkamhnak an chim rih.

Hi konghe pehtlaiin an zumhning ahcun tutan thimnak ah hin minak tampi hna nih Donald Trump vote an pek lai tihi kan zumh tiah an chim. Cun America ram i, Civil Rights Movement um lio i, Martin Luther King Jr he a rak ttuan cangmi Reverend Owens nih hitihin a chim. Democrats biachim le cawnpiakning cu a hman lo tiah a chim.

Mah tein kan cawng i, rian kan ttuan ahcun USA ah hin kan hlawh a tling lai, cubantuk hoih cun siloin Democrats nih an cawnpiak hna i, USA ram attha lomi le asualtuk mi hi mahtein ttuan silo. Cozah ah i hngat dingin cawnpiak hi a hman lomi asi tiah a chim. Cun A Dream Derailed cauk ttialtu Deborah Owens zong nih tihin a chim tthan.

America mipi hna nih Minak president ah an thimtlin i, cu ahcun thimtlin tu hna cu Racist tiah kan puh tthan mi hna hi a sullam angei lo. Donald Trump cu thil taktak ah puhnak ding le elnak ding an hmu kho ti lo i, cu ruangah a mah pumpak in an dohkalh, huatnak thlaici an duh i buainak an chuahter tiah a chim.

 

Be the first to comment

Leave a Reply

Your email address will not be published.


*