US ELECTION RESULT UPDATE: DONALD TRUMP AUM KHO TILO APHUAN CANG

US Election Result Update: US president thimnak vote rel cu an pehcuah mah cang. Republican Party Candidate Donald Trump nih vote relning cang kongah thildik lo aum timi a theih caah Pennsylvania le Machigan ah compalint a tuah cang. Thanh lengmang cang bantuk in US thimnak result cu State tthenkhat hna ahcun vote an rel thlu rih lo.

Associated Press nih alanghter ning ah cun Donald Trump nih Electoral Vote 214 a hmuh cang. Hi lio caan ah Joe Biden nih cun vote 264 a hmuh ve cang. Tam ngaingai in Joe Biden nih atei. Theih khawh cangmi chungah Alaska le North Carolina cun Georgia le Pennsylvania ah Donald Trump nih lam a hruai cuahmah ti asi. Cun Vevada ah cun Joe Biden nih lam a hruai ve.

Vote thlak hi tukum cu phundang ngaingai mi thil a si. Aruang cu zawtnak ruangah postal ballot hmangin vote hi minung tampi an thlak ti asi. Tutan mail in vote a thlami hi kumdang nak in a tam deuh tuk. Curuang ah vote rel zong hi a caan arau ngaingai nak hi asi. Hi konghe pehtlaiin US President Donald Trump nih hitihin a chim.

Donald Trump nih a timi cu vote hi state tthenkaht ahcun ningcang loin an tuah or an thlak tiah a chim. Pennsylvania le Michigan ahcun complaint atuah cang. Donald Trump complaint a tuahmi konghe pehtlaiin Pennsylvania Governor Tom Wolf nih a timi cu ka nawlngeihnak kulhchung ah vote atlami vialte hna cu tlamtling tein rel asi ko tiah a chim.

Tutan thimnak ah Donald Trump hmunhma bak a si. Trump caah cun teinak a techia bak tiah an timi Michigan le Wisconsin ah cun zuamcawhtu Democrats hna nih teinak an hmuh caah Joe Biden dirkamhtu hna cu teinak kan hmuh tiah lawmhnak in an khat cang i, atuhi lawmhnak tuah dingin timhlamhnak an ngei cang tiah an langhter chih.

Tuchun or Tuni ah Donald Trump adirkamh tu hna le Joe Biden a dirkamh tu hna cu an karlak ah buainak a chuak. Buainak atuahmi hna chungin minung 60 cu palek pawl nih an tleih hna. Atu hi thimnak konghe pehtlaiin US cu thinphan dailo taktak asi caah hmunkip kaakip ah runvennak zong an tuah thluahmah cang.

Relchih: Zeiruangah US Votes Result Achuah Kho Ri Lo? Tu lio US Election Result um tu ning adang ngaingai ko. US ahhin tu lio bantuk in vote result chuah lo hi aum bal lo cu asi lo nain. An tlamtling than tawn ko nain tu lio ahcun an buai ngai. Tuesday zan ahkhan vote pek ni adongnak asi cang tlamtling tein an dih ve ko. Cucah voidang or kum dang ahcun cu chungin an rel kho mi chungah

Le State dang dang in a phan mi result hen kha athaizing khi cu ateitu Pa nih ka tei cang tiin an chim kho cang mi asi tawn. Cucaah Trump nih ka tei cang tiah White house hmaiah media pawl sinah tuzing kha achim ve. Atang mi zong hi rel an her ti lo cun vote zong hi ahman ti lai lo ti. Vote an rel mi hi Stop a tuah ter cang hna lai ati Cucaah an buai ngai nak hi asi.

Nain post in vote a pek mi hi kum dang nain an tam deuh caah apoi ngai nak pakhat cu asi. Kum dang ahcun Post in vote apek mi an um ve ko nain atam lo tu kum cu Covid-19 asi ruangah Post in vote an kuat mi atam deuh caah Joe Biden nih cun rel dih aher mi asi ko ati ve. American hi mipi nih President kan thimh an ti nain direct an thim ti kho an ve hoi lo.

American ram ahhin Pyine 50 an um I, Washington DC hen cun 51 an um. Hi Pyine tang ahhin Myone ahme mi zong an um ve caah, an mah pawl nih an pek mi vote vialte kha pyine Vote Center ah kuat dih asi. Cu chungah atam bik a hmu mi kha Pyine pakhat ah ateitu ti asi. Myone vialte fonh in achuah mi vote kha Pyine pakhat aiawktu asi cang ka ti kho ko nain Pyine pakhat ah vote Pakhat ti bantuk cu asi lo.

Cucaah Pyine vialte vote fonh in 538 asi. Nain Pyine ahhin Pyine a ngan deu mi le ahme deuh mi an um ve caah Pyine pakhat nih aa ngeihmi vote number kha adang caah an I loh cia ve lo. Cucaah 538 chungin 270 hi cheu hni ah cheukhat cung asi cang caah 270 atling ort hi nain tam deu ahmu mi nih ka atei cang tiah chim kho cang.

Nain tu kum cu Post in an pekmi vote aphan lo mi le an rel lo mi atam ngai caah apoi ngai nak cu asi. Tu lio an buainak hi vote tling tein rel ter dingah Trump nih aduh ti lo caah an buainak bik cu asi ko. Hihi catialtu hmuH ning asi. Credit: Chawche Hlei Cung.

Be the first to comment

Leave a Reply

Your email address will not be published.


*