US CU A POI CHIN LENGMANG KO CANG, KHRIHFAMI CAAH LUNGRAWK SI CANG

US ah thilcang a zualhma chin lengmang cang. An thiltuah mi cungah Khrihfa vialte an thinhung cang hna. Jesuh lem tarmi zong an thluk pin ah Jesuh lem cu a Hngawng an tan rih. Zumtu Khrihfa hna caah US thilcang cu lungrawk ngaingai a si ko cang. Zum lotu pawl hna cawlcanghnak hi alinsa ngaingai cang.

Nizan ah West Kendall, Florida ah a ummi Good Shepherd Catholic Church ah an tarmi Jesuh milem cu an hrawh tthan. Jesuh milem an tar or an chiahmi cu an tluk pin ah a hnawng an tan i, cuticun an chiah ta ti asi. Tutan ah hi bantukin thil atuahtu hna hi Black Lives Matter (BLM) pawl an si lai tiah an zumh.

Hi konghe pehtlaiin a liamcia zarh hmasa zong ah khan Khrihfami biakinn zong an ran khangh tthan cang. Kan hnu zarh hmasa ah Los Angeles ah a ummi Catholic Church, San Gabriel Mission cu an rak khangh bal cang. Hi Biakinn an khangh mi hi a upa taktak cangmi Biakinn zong a si.

Catholic Church, San Gabriel Mission hi an saknak a sau taktak cangmi asi i, kum 250 tluk asi cangmi a si. Hi biakinn a khangtu zong hi midang siloin Black Lives Matter phoih pawl tthiamtthiam an si tiah an chim. Culawng siloin hi hna phoih pawl nih hin New York ah a ummi Virgin Mary milem zong an hrawh tthan cang.

Acunglei konghe pehtlaiin langhter cang bangin tutan ah Good Shepherd Catholic Church ah an chiahmi Jesuh milem a thlutu le Jesuh milem a hngawng a tantu zong hi Black Lives Matter phoih pawl an si ko lai tiah an zumh. US ahhin nikhat hnu nikhat in Khrihfami hna tuahhramnak hi a chuak chin lengmang cang.