US CAAH THINPHANG NGAI SI CANG TULUK A PHUAN CANG

Tuluk nih dantat dingin an timhmi US nawlngeitu min an langhter cang. Tuluk nih min alanghtermi chungah Republican Party Senators Marco Rubio le Ted Cruz an i tel. Hi konghe pehtlaiin BBC thawngzamhnak nih fiangin a ruang a langhter lonain Russia Today nih cun atanglei bantuk in an langhter ve.

Tuluk nih hithil atuahnak aruang cu Tuluk nih Uighurs pawl a zohkhanhning ah US nih Tuluk cu athleiden tiah a chim. Culawng siloin Xinjiang ah Uighurs million renglo phungning loin an tleih ruangah a si tiah sual apuh. Cun hi kongah Tuluk nih aa pheh len ti a si. Uighurs tam deuh hna hi Muslim an si i, sifak ngai miphun an si i, Xinjian khuapi ah hin minung 45% tluk an um ti asi.

Hi konglam a chimmi hi Rubio le Cruz cun Representative Chris Smith, US religions freedom palai Sam Brownback le Congressional EC Tuluk minung min hna an langhter chih. Hi hna pawl hi Beijing kongkau ah fak ngaiin a soisel mi an si hna i, Tuluk khuakhan lairelnak a dohmi an si tiah sual an puh hna.

Hi konghe pehtlaiin Tuluk Foreign Ministry Spokesperson Hua Chunying nih a timi cu hibantuk in US hruaitu cungah lehrulhnak kan tuahnak hi July 9 ah US Treasury nih Tuluk hruaitu pawl cungah an tuahmi lehrulhnak asi tiah a chim. Tuluk Hruaitu hna nih Uighurs miphun hna cu ningcang loin rian an ttuanter tawn hna tiah an chim caah asi tiah apeh rih.

Tuluk nih Xinjiang khuapi a zohkhanhning cu ahman lonak a um lo. US an rak i thlaknak ding zong a um lo. US nih hi bia a chimmi hi a let tthan lo a si ahcun hinak fak deuh in cawlcangh kan i tim tiah Foreign Ministry Spokesperson Hua Chunying nih a chim. China Scholar Adrian Zenz zong nih aliamcia thla ah kha atanglei bangin a rak langhter.

Xinjiang khuapi ah nupawl hna cu hramhram in Tuluk nih fangei kho lo dingin an tuah hna timi hi theih asi tiah a chim. Hi bia langhter a si hnu ah vawlei cung ramkip nih UN ah chimphuan dingin timhlamhnak zong an ngei. Asinain UN nih zeitindah rian a ttuan lai timi theih asi rih lo. Fangeih khawhlonak timi kongah tthenkhat nih cun nau pawi khawhlonak an chiahpiak an ti.Tutan ah Tuluk nih dantatnak tuah tiah an langhter mi ah hin zeibantuk in dah dantat an si lai timi hi thawngzamhnak nih an langhter lo.