UPDATE: TUCHUN RALKAP THAH MI MINUNG AN THEIH KHAWH CANG

Update: Tuchun kawlralkap ralhrang hna nih an kahthah mi sizung rianttuantu hna nih chungkhar pehtlaihnak an theih lomi cu a sining theih asi cang. Tuchun ralhrang kawlralkap hna nih Sagaing Region Minmu ah mino pakhat an kah thah. A thimi hi mizeidah a si timi rianttuantu hna nih cun an rak thei lo, asinain atu ahcun an theih cang tiah khuami nih an thanh.

Hi konghe pehtlaiin khuami hna nih an chimmi cu tuchun ralhrang kawlralkap hna nih an kahthah mi hi Ko Aung Ye Lwin asi tiah an chim. Amah hi Manlay le Minmu karlak khuatlawng phur motor among mi a si tiah khuami hna nih thawngzamhnak ah an chim. Tuchun thil a canning cu atanglei bantuk in an langhtermi kan vun thilchih.

Sagaing region Minmu ah tuchun ah ralkap Kawlralkap hna kahnak ruang ah Mino pakhat a nunnak a liam. A thimi mino a chungkhar le cu contact khawh an si rih lo tiah mipi sin in theih asi. A thi mi mino cu Minmu siizungpi ah an chiah i a innchungkhar hna nih rak zoh khawh asi tiah Minmu voluntary team nih thawng an thanh. Ralkap lei brigade 33 nih an hmuh mi poah an kah caah mipi hna umnak inn pawl hna ah meithal kuan neh pawl hmuh khawh an si.

May be an image of road

Relchih:Kannih laimi cu mi sining theih loin Kan tthut hmun in mi va soi hi a uar ngaimi miphun Kan si. Mi sining soi dingah ready, Timhcia bak in Kan um. Atu cu Kan caan a phan cang hih. Zeitin dah Kan tuah ve lai. A tuhi Kan lai Pasaltha hna cu Rallokap hmaiah an fon lio a si. Hriamtlai le ral a dohtu AN SI bantuk in hliamhma zong an tuar I faak ngai le Harsa ngai in khua an sak lio a si. May lio ah nang nih duhpoh in na Rak soisel hna le na Rak doh mi hna hi ,nangmah teh zeidah na tuah Timi le, khoika dah na dir I a ho hmaiah dah na um tihi I tuaktan ngaingai Kan hau cang.

Nizan, tihni ah AlawbUm I Rallokap le KIA, CNA kahnak ah Kan pasal hna hliam hma faak ngai in an tuar. Minung 6 NIH hliamhma an tuar I Tuhi minung pahnih cu an faak ngaingai tiah theih a si.BOM NIH a puah sual I a ttawktik tiang aa laa mi an um, faak ngai in an tuar ko. Thlacam nak in bawm hna usih. May hlan I Kan soisel mi hna le Kan thlanglamh ngaimi hna kha tu ahcun kan ram caah dawh ral an doh cuh, na ti sawhsawh mi lawng khan a za lo eh. Tulio hi an har SA ngaingai ti zong theih khawh an si. Sizung hna an um rih ah cun a herhbau mi le thil Sining cu tuaktan khawh ngai a siko.

An har ngaingai ko. Hi lio ah mipi NIH a zai lawng maw Kan zai hnawh hna lai I a soilawng maw Kan soisel hna lai. Ral hmai ah an for ko lio ah teh zeidah Kan NIH Kan tuah ve lai. Chawva a herh rih. Meithal cawknak ah phaisa an kawl, a zatawk zong an hmuh ve ko. Si cun minung teh. Meithal cu ralkap ca hrim a si bantuk in ralkap umlo ahcun hriam cu a herh ti lo cu ta. Hriam cawknak I Kan ttan bantuk in a minung CA zongah Kan ttan than a herh tuk rih. Tulio caan hi caan chia a si caah hi caan hi zeitin dah Ka hman lai tihi tiang ten hngalh Kan hau cang. Credit: The Chin Post. Note: Cabia rel ahar deuh caah rel fawinak in kan rak edit.

Be the first to comment

Leave a Reply

Your email address will not be published.


*