UM SAWHSAWH AN I TIM TI LO TRUMP NAU LE PAWL AN PHUAN CANG

Republican pawl cu uar an um khotuk, Tthawng chinchin hmai kan nawr lai tiah an ti ko cang. Thimnak konghe pehtlaiin biatak tein cawlcangh ahauh cuahmah lio ah Trump cu zawtnak nih a vun phak. Sihmanhsehlaw Trump Campaigners hna nih a sikhawh chung tthawng in Campaign cu kan tuah lai tiah an chim cang. Donald Trump hi zeitik a chuah lai theih asi rih lo.

CDC zulhphung tuahmi ning ahcun a tlawmbik nihra chung hi i erhkhumh a hau dingmi asi i, mah ruangah a ralai mi ni 15 Biden he debate an tuah dingmi zong a fiang ti lo. Trump le Biden hi Florida state ah tuthla october ni 15 ah debate a tuah tthan dingmi a si. Asinain theih cio bangin Trump cu tulio zawtnak nih a vun tlunh tikah debate an tuah dingmi hi a fiang rih lo.

Hi konghe pehtlaiin Trump Campaigners hna nih an timi cu Vice President Mike Pence hruainak le Trump amitthi le amila pawl hna hruainak in thazaang biatak tein kan chuah chin lengmang lai tiah thanhnak an tuah. Make America Great Again cu tthawng chinchin in kan tuah lai tiah an langhter. Asinain zeitindah rian kan ttuan lai timi tu an langhter lo ti asi.

Hi konghe pehtlaiin Supreme Court Justice caah timhlamh Amy Coney Barrett cu nizan ah khan Capitol Hill senate le Judiciary Comtt ah a kal i, Senate Majority hruaitu lutlai Senator Mitch McConnell hna he tonnak an ngei. Amah hi Trump nih a uar taktak mi asi i, atu tiang rih ahcun zawtnak angei lo ti asi. Kamkhat ah Republican Senator pahnih zawtnak an ngeih caah tlawmpal abuaipah ko ti asi.

Sihmanhsehlaw Senator Mitch McConnel nih cun interview hi October ni 12 ah timh bangin kalpi asi ko lai october ni 19 maw asiloah thla dih ah vote laknak tuah asi lai tiah thanhnak atuah. Cohlannak vote laknak ah hin Republican senator chungin zawtnak angeimi Mike Lee le Tom Tilis cu erhkhumh an si ko nain vote lak tik ah hin cun an rak i tel kho lai tiah zumh a si.

Relchih:Trump dirhmun konghe pehtlaiin amah a zohkhanhtu Sibawi Dr Sea P Conley nih thilsining a chim cang pin ah Trump zong nih a chim ve. Mipi sin ah a chimmi cu President Trump dirhmun cu a tthatuk ko. Sihmanhsehlaw atha bikmi dirhmun tu cu asi lo tiah a chim. Reporter hna nih biahalnak an tuahmi cu Oxygen pek asi maw tiah an hal i, Hika ah kan dihlak kan um bantukin Oxygen pek chap ahau lo tiah a leh hna.Cun Trump dirhmun cu a ttha ko i, rian zong tthatein a ttuan kho ko lai. Trump konghe pehtlaiin Trump hi sizung aluh hlan ah Oxygen an pek tiah an langhter.

Asinain hi konghe zeihmanh White House nih fianternak an tuahmi a um lo. Zeitik ahdah zawtnak hi an check ning asi timi zong White House lei nih an langhter lo.Theihcia le thanhnak tuah cang bangin President Trump cu Sizung aluh hnu ah minute pali asaumi video in biachimnak angei. Ka dirhmun cu attha deuh ko. Biatak tein a ka zohkhanhtu cungah siseh vawlei cung hmunkip kaakip in thazaang aka pemi vialte le thla aka campiakmi vialte nan cungah ka lawmtuk tiah a chim. Cun White House innchung abiapi mi ah hin cun zawtnak ruangah phihkharnak tuah khawh asi ko nain cubantuk in zawtnak tlangrai ttih ruang i, cubantuk thiltuah cu hruaitu ka si bangin asi kho lo, mawhphurhnak he zawtnak tlangrai cu dohkham ding asi. Ka rak kir colh lai. First Lady Melania zong White House ah thatein a um ko i, amah zong lungrethei asi lo tiah a chim chih.

Hi zawtnak hi tei dingin ka doh cuahmah i, atu zongah Sizung in ka chuak kho ko. Asinain an ka chimh bangin hi zawtnak hi tei khawh asi. Campaign Rally zong kai tel khawh ka zumh ko i, president ka si bangin inn khan ah a um kho peng mi ka si lo. Mipi hna nih ttihphan i zawtnak an doh cuahmah lio ah mipi phannak lakpiak dingah inn khan ah hin ka um kho peng lo, hi thil hi mawhphurhnak he ka pah lai kan ttih ding asi lo tiah a chim.Trump konghe pehtlaiin Associated Press nih alanghter ning ahcun Trump cu suimilam 48 chung cu thatein zohkhanh ahau lai tiah alanghter. Aliamcia ningani hna kha cu a dirhmun attha tuk lo i, oxygen zong an pek ti asi.

 

Be the first to comment

Leave a Reply

Your email address will not be published.


*