TUTAN A ZAAMMI CU AN TAM BAK, THAWNGTTHA TAKTAK A SI

Hramhram nawlngeihnak la tu ralhrang phu khah-lah-yah(104) in ralhrang minung 28 nih an hriam tling nih riahbuk an chuahtak i mipi lei ah an dir. Taningtari ramthen Thawai (ထားဝယ္) ah umhmun khuarmi ralhrang phu khah-lah-yah (104) hna hmunhma tlangcung riahbuk Myakhapat(ျမခါပတ္) khua, Labawngtawng(လားေဘာင္းေတာင္) riahbuk in ralkap minung 28 nih an hriam tlamtling he zaam tak.

Mipi lei tang ding in tiah cuka hmunhma thawngzamhnak nih a langhter. Nawlngeihnak la tu ralhrang phu khah-lah-yah (104) in sakhan chuahtak mi ralkap hna cu Lawnglung peng nitlak lei tiang ralhrang phu minung thazaang tampi nih an kawl hna tiah cu cathanh ah cun an langhter. Ralhrang uknak tangin ralkap a chuakmi hi an tam chin lengmang cang.TCP

March 14 Zaan Ah Kachin Ralkap Nih Kawl Ralkap Faktuk In An Phomh Hna –  Chin Cele News

Cabia dang: Kan Ruah Deuh Hau. Kawlrawn lei mainstream media a simi DVB, RFA & Mizzama etc hna nih PDF pawl biahalnak le an konglam an chim tik ah bia an halmi hna pum cu an langhter nain an hmaifang tete khi blur/fianglo in an chiah hna, training le meithal an dehnak tibantuk cu an langhter nain an hmai an langhter hna lo an chuahkehnak le khua le ram nu le pa kong an hal hna lo, an min hmanh an hal huaha hna lo.

Cucu a ruang a um, tuni tiang kawlram dirhmun ah khuapi khuate chung cu ralhrang nih an control khawh rih caah PDF an chung le caah him seh tiah an ruah caah a si.
Kan nih Chinmi, a hlei in Laimi aa timi hna cu kan u nau CNA an si ah CDF an si ah online biaruahnak kip ah an mui fiang ko in langhter an si lengah an chuahkehnak khua le an nu le pa min tiang kan hal hna.

Cinzah hrin ma na si Zaathang dah ti hmanh khi kan hal deng hna, a dang media he cun kan i dang bak, kan live a zohmi an tam timi khi kan i za khim. A zohtu ah ralhrang zong an rak tampi kho timi lei kan ruat tawn rua lo. Kawl ralhrang pawl nih anmah a dohtu hna minung i an chungkhar le sahlawh rualchan hnahnawhnak an pek tawn hna ti cu kan hngalh dih ciomi a si ko nain Aw,, biahal a tongmi CDF le CNA kan unau hna nih a poilo an ti tu ahcun phundang hen ta.Kan ruah deuh a hau ti cu kan ruah komi kha tamdeuh in ruahchap khi a si ko cuh. Credit: Zabiak Cung Nawl

Be the first to comment

Leave a Reply

Your email address will not be published.


*