KAWLRAM PALIK TUCHUN AN BIACHIM CU TUK SUM BAK ASI KO

Tuchun Naypyidaw Police pawl biachim cu ttihnung ngai an si ko. Kawlralkap nih uknak an lakmi mipi nih an duh lo caah lamzawhnak cu an peh thluahmah. Hi konghe pehtlaiin tuchun ah Naypyidaw i, lam a zawhtu mipi hna cu police nih an hrocer hna. An biachim mi hrimhrim ttihnung ngaingai asi ko. Hi kong, police nih lam zawhtu an hrocerning ah Myanmar Now thawngzamhnak nih a tanglei bangin a langhter.

Naypyidaw ah minung thong tampi hna cu lamzawh nak an ngei tthan. Lam a zawhmi mipi hna cu police pawl nih meithahnak motor hmangin Ti in an kah hna. Culawng siloin lam a zawh mi minung thong tampi hna cu kalnak lam an zulh dingmi ri zong police nih an khiah piak rih hna. Hi ka hmun le hma cu nan lonh lai lo tiah ri an khiahpiak hna i, Police nih an timi cu Rin thumnak nan vun lonh asi ahcun meithal kuan taktak in kan kah hna lai tiah an ti hna tiah alanghter.

Image result for protest in naypyidaw

Thawngpang Thar:Kawlralkap thanhnak tuahmi cu thinphang si ko cang. Kawlralkap nih thanhnak an tuahmi cu phungkalh in a ummi hna cu action kan lak cang lai tiah an thanh. Ralkap nih nawlngeihnak an lakmi ruangah ramchung mipi hna cu biatak tein duhlonak langhter in lam an zawh cang, Ramchung mipi hna cu tutan thilsining konghe pehtlaiin um sawhsawh an i tim ti lo. Culio caan ralkap nih MRTV bak in thawngthanhnak an tuah.

Phungkalh in a ummi hna cu an cungah action kan lak cang lai tiah an vun thanh cang. Kawlralkap nih uknak an lak hnu ah nizan tihni nirukni thok in ramchung mipi hna cu lamzawhnak an tuah cang. Nikhat nikhat in mipi lam zawhnak cu a zual lei a panh chin lengmang, tuchun hrimhrim cu minung lam a zawhmi hi an tamtuk hringhran. Thaizing lei zongin mipi lamzawhnak in a tam chin lengmang lai tiah an zumh.

Ralkap nih tutan uknak an lak ruangah mipi lamzawh tu hna cu hriamnam hmangin thil an tuahmi abiapi in a um rih lo. Asinain tuchun i, Naypyidaw ah lam a zawhmi mipi hna cu Ti in an kah cang hna i, cuticun tthawldawi an timh hna. Mipi lamzawhnak konghe pehtlaiin MRTV nih alanghtermi cu Democracy le Nuhrin Covo pehtlaiin phungkalnak siseh,

Mipi i fumtom in mi hrocernak tibantuk a um. Rampi zalennak le mipi humhimnak, culawng siloin phunglam hrawhphun hoih in cawlcanghnak vialte hna cu fak piin an cungah action lak a si cang lai tiah thanhnak an tuah. Hi konghe pehtlaiin ruahnak pical angeimi hna nih an langhter lengmang cangmi cu, duhlonak alanghtermi hna nih mi chiatnak le hnursuannak, ralkap thangchiatnak tibantuk police cungah lehrulhnak tuah tibantuk hna hi lam zawhmi hna nih iralring ngaingai ahau tiah an chim.

Be the first to comment

Leave a Reply

Your email address will not be published.


*