TULUK NIH JOE BIDEN CU TUKSUM KO IN HRO COLH CANG

Taiwan Hi Independence In An Um Ding A Si Ahcun Tukdohnak A Chuak Colh Lai Tiah China Nih Biden Administration Cu A Van Hro Colh Hna. Tutan China biachim cu, cuhlan he ai lo lo. Voidang a thli deuh in a ttang tawn. Tutan cu a si ti lo. US Allies Taiwan cu China nih a ramchung ah a chiah peng. Taiwan nih le a duh ve lo. US ai bochan ngai. Cu tikah China nih fiang ko in a chim cang! Taiwan hi Independence in an um ding a si ahcun ka tthuat colh lawlaw lai ti kha Biden Administration cu massage hun a kuat cang hna.

China nihhin Taiwan hi tthuat lawlaw i, a ramchung ah chiah a duhnak caan a sau cang. Nain Trump hruaimi cozah tangah duhning in China cu a cawlcang kho lo. A phunphun in Trump nih a kham. Cu hlah Trump nih Taiwan President nuhmei nu Tsai cu a dawt ngaingai. Cucaah China nih Trump ral an ven peng caah zeihmanh chuak loin a um. Asinain, Trump hruainak a van dih i Biden nih a van chawn tikah China nih lak a rak duh pengmi Taiwan cu a hun naih chin lengmang. Biden hi a hram a fek hnga maw fek lo,

Trump bantuk in a banpawr a ttha hnga maw ttha lo ti kha a van hngirh lengmang i a van fiang pah cang. Cucaah fiang ko in Taiwan hi independence an si ahcun ka tthuat lawlaw lai tiah a van chim ngamnak a si. Tu ahhin South China Sea, South Theatre Command hna cu Naval Drill an ngei cuahmah hoi.Biden Administration nih South China Sea lei ah an ram cu an hun kauh ngaingai cang. Thursday ah China nih Taiwan cu an ram chung a si zia le anmah pennak chung ah a ummi an si zia langhternak caah “”Taiwan Independence means War” tiin Biden administration hrocernak le Taiwan hrocernak cu a hun chuah cang.

Niruk ni thok khan China nih Taiwan lei ah Bombers rual, Jets fighters rual le raltuknak tilawng nganpi pi he hrocernak le ngiarnak a hun tuah. President Xi Jinping nih 2021 kumthar bia cah a chimmi ah Taiwan cu By Force in lak hau zong siseh, ralkap tthawnnak hmangin lak a herh ahcun a poi ah kan chia tthiamtthiam lo tiah a chim. Cu lio ah Biden administration, Pentagon Chief Austin bak zong nih Taiwan cu an allies a si zia le a herh ahcun bawmh an zenhlonak kong a chim ve cang.

Phun dang in kan chim ahcun China nih thahrum hmangin Taiwan kha lak a timh ahcun US nih a zuan hnawh ve lai tinak a si. Cu tikah a chuak dingmi cu US le China ituknak kha a chuak ko lai tinak a si.China hi Taiwan cungah ai hrocernak caan cu a sau ko cang. South Ea st Asia Expert 1 nihcun Beijing nihhin Warning a pekning a faktuk cang. Taiwan hi Indepence peknak cha cun vawleicung ramdang pawl he ituk doh zong a poi ah a chia ti lo tiah a chim.

Chinese Defence Ministry spokesman Wu Qian, “Taiwan hi Mainland in a dangte an si lo, the Chinese People’s Liberation Army hna nih Taiwan Strait le a pawngkam ram pawl hma an laknak hi tuah lo awk ttha lo a si cang. China National Sovereignty humhimnak le Taiwan independence’ forces an tla sual lai tiin ven an hau. Secretary of State Antony Blinken zong nih President Trump cu China cung ah a khoh taktak tiah a chim. “President Trump, China cungah a rak khohtuk kha a herhmi bak a si. A zate in a ttha viar lo kho men ko. Nain a tam u cu a ttha. A khoh hrimhrim kha a herhmi a si. Credit:VOC

Be the first to comment

Leave a Reply

Your email address will not be published.


*