TAIWAN AA SUM KHO TI LO TULUK CUNGAH TUAH TAKTAK A TIMH CANG

Tuluk he pehtlaihnak an huattuk caah Taiwan nih thiltuah a timh cang. Tulio zawtnak ruangah Tuluk cu ramkip ti awk nih sual an phawt caah Taiwan nih an ram Passport design cu thlen an timh cang. Hi konghe pehtlaiin Taiwan nih a timi cu zawtnak ruangah ram mipi hna cu harsatnak an tong lengmang. Aruang cu Taiwanese passport ah Republic of China timi aa tial ruangah a si.

Passport a cung bik ah Mirang cafang nganpi in aa ttial i, atangah Taiwan ti aa tial. Tutan ah Passport thar tuah an timhmi hi January ahcun hman khawh dingin timhlamhnak an ngei. Cun Mirang cafang in Republic of China timi hi Tuluk holh in thlen a si lai i, Atang ah Mirang cafang in Taiwan tiah nganpi in ttial a si cang lai.

Hi konghe pehtlaiinn Taiwan Foreign Minister Joseph Wu nih a timi cu Passport thar tuahnak aruang cu ram mipi hna hi Tuluk rammi ah an ruahsual lengmang hna caah asi. Cun ramdang hna nih biatak tein zawtnak konghe pehtlaiin fak deuh in rian an ttuan caah hihi a cangmi asi tiah a chim chih. Wuhan zawtnak achuah in kan minung hna cu harsatnak an tong.

Tuluk minung an ruah hna caah Taiwan sinak hi fiangko in pholangh kan timh cang tiah a peh rih. Tuluk nih Taiwan hi kanmah ram asi tiah an chim lengmang. Cun TAIWAN hi Tuluk in a chuak khomi an si lo, Kan ram a si i, an mah duhning bantukin a um kho ding an si lo. Tuluk ram in chuah an timh a si ahcun aharh ahcung ralkap thazaang zong kan hman lai. Taiwann kongah mi zei ram hmanh i thlak hlah uh tiah atimi a si.

Be the first to comment

Leave a Reply

Your email address will not be published.


*