TTIHNUNG SI KO, IRAN NIH TUKSUM IN US LEHNAK ATUAH CANG

Iran nih US cu ttihnung ngaingai in lehnak atuah ve cang. Iran cozah chimnak ngeitu Ali Rabiei nih atimi cu Iran nih hin amah adohtu pawl hna tukdohnak cu fakpi lehrulh an si lai i, hmih dih le asiloah tei lo cun a zuah hna lai lo tiah a chim. Nikhat ni ah Donald Trump nih Iran tthuat dingin timhlamhnak angei tiah thawngzamhnak nih an langhtermi cungah atubantuk in Iran nih lehnak an tuah hi asi.

Pentagon nih an timi cu Donald Trump nawlpeknak bantukin Iran nih hin Nuclear kong zulhphung lonh in thiltuah aitim tiah IAEA nih thanhnak an tuah hnu ah Iran tthuatning cang cu White House ah ruahnakpetu hna he chimcaihnak an ngei. Zeitindah timhlamhning asi timi cu thanh rih asi lo nain cunglei maw asiloah Cruise missile in dah, Cun Cyber-Warfares hmangin Iran Satelite/internet system hrawh, timi theih asi rih lo.

Hi konghe pehtlaiin Reuters thawngzamhnak nih alanghterning ahcun Donald Trump nih Iran phomhning lam vialte cu a chimh cang hna. Asinain Trump ruahnak petu hna nih Middle East hrawngah dirhmun chia achuak khomi asi caah tiah Donald Trump cu an thloh tiah an chim. Iran hi a fah khawh chung faak in hrem le dantat aa tim tiah an chim.

Aliamcia kum 2017 ah khan US le Israel i bawm in Computer Virus phunkhat Stuxnet timi hmangin Iran Nuclear Centrifuges cu an rak tthuat i, Computer zeimzawtzat an rak hawh cang. Cun tukum July thla zongah Iran Nuclear Plants umnak, Natanz ah a ummi tthenkhat zong arak kaang rih. Asinain an rak phalh khawh manh, Hi lio caan Israel thiltuahmi asi tiah an rak ti nain arak i pheh ti asi.

Tutan thimnak Joe Biden president achuah asi ahcun Trump nih Iran Nuclear deal achuahtak mi hi a nunter tthan lai tiah an chim. Iran nuclear bomb sertimhnak kongah hin Middle East kulh ah Iran an ral nganbik asimi Saudi Arabia nih an ti vemi cu Iran nih Nuclear serm atimh mi khap khawh asi lo ahcun kanmah zong nih Nuclear bomb kan ser ve lai tiah fiang ko in an chim ve.

Iran nuclear Deal konghe pehtlaiin Israel PM Benjamin Netanyahu nih ati vemi cu Joe Biden hi minute 20 chung kan i chawn cang i, thil attha ko tiah a chim. Cun Iran Foreign Minister Mohammed Javed Zariff nih ati vemi cu Iran Nuclear Deal hi Joe Biden nih a nunter tthan asi ahcun Iran cu innka kaupi in kan on i zeitik caan paoh ready in i chawnh khawh peng asi ko tiah a rak chim ve cang.

Iran mi ka si ahcun hnangamtein ka um kho ti lai lo. Iran nih Nuclear hriamnam atuah peng ko asi ahcun US nih hin ralkap thaazang in a tthuat khawh i, Cu asilo zongah vawlei cung ramdang in an tthuat khawh mi asi tiah Israel Energy Minister Yuval Steinitz nih a chim ve. Hi konghe pehtlaiin Iran cozah thawnghthanhtu Al Rabiei nih lehnak atuahmi cu Israel nih hibantuk a chimmi hi thinlung tukdohnak asi.

Keimah ka hmuhning ahcun US nih hin vawlecung thlanphannak siseh Middle East kulh ah derthawmnak atuah lai hi ka zum lo tiah a ti ve. Iran nuclear bomb tuah timhmi kongah biatak tein a duhlomi chungah aitel mi abiapi asimi Israel le US hi an si hna. Pehzulh in akalpi ko asi ahcun Iran le US hi an i phomh te ko lai tihi zumh a si.

Be the first to comment

Leave a Reply

Your email address will not be published.


*