TRUMP LE OBAMA SOISELNAK. TRUMP NIH ELECTION THAWN ADUH

President Donald Trump Nih Election Thawn A Duh.President Donald Trump nih 2020 election ah mail voting in thimfung pek a si ahcun US election tuanbia ah a dik lo bikmi le thimfung fir a tam bikmi thimnak a si lai” tiah a chim. November thla thimnak hi US mipi hna nih himte le felfai tein thimfung an pek khawh tik caan a phak tik ah thawn ah a tha lai” tiah twitter ah a tial.

US President thimnak ah cakuat in thimfung thlakmi tampi cu cape, cala tu hna le mi tha lo hna nih hmunthur pungah an hlonh tawn ti a si. President nih Twitter ah a tialmi cu Democrats hruaitu hna nih an lungtlin lonak an chim. Asinain US constitution ahcun President nih election thawn khawhnak nawl a ngei lo.

Congress lawnglawng nih thimnak ni le caan thawn khawh a si. 1845 kum thawk in congress nih Article 11, Section 1 ning in President election cu November thla zarkhatnak cacawn ni hnih ni ah tuah zungzal dingah upadi an rak ser.

President Trump le Obama Soiselnak.President Donald Trump nih Obama le Joe Biden cu US tuanbia ah corruption a tuah bikmi an si tiah a chim than. Donald Trump nih 2016 election campaign lio ah Obama cozah nih Trump election campaign an tuahnak hmun tampi ah video camera a thli tein an bunh I, Trump sualnak an kawl.

Obama nih FBI le Dossier hna hmang in Trump sualnak an kawl mah an kawlmi document pawl cu Robert Muller nih Russia nih US election a hnursuan timi kongah Trump a tel le te lo kum 2 chung investigation an tuah I, President Donald Trump sualnak an kawl nain an hmuh lo.

US president hlun pawl cu President in an I dinh hnu ah dai tei an um. Asinain Obama tu nih cun Donald Trump cu a phunphun in a doh peng, miphun theidannak, midang zeirel lonak, nativist, racist le sexist ti in dong loin a soisel peng. Credit: Salai Lairam Thang