TRUMP CAAH THINPHANG NGAI ASI KO HIH, TRUMP NIH ALEH COLH VE

Supreme Court Kongah President le Democrats Buainak.Supreme Court i biaceihtu rian a lawngmi ah President Trump nih a rannak in khrihfa zumhnak, US constitution le conservative ruahnak a pommi biaciehtu ka chiah colh lai tiah a chimmi cu Liberal democrats pawl nih faak ngaingai in an i buaipi i an tahha lawng mang.

Democrats House speaker Nancy Pelosi nih President Trump nih November 8 thimnak hlan ah Supreme court i biaceihtu rian a pek ahcun a rian in kan phuah lai” impeachment kan tuah lai tiah a van hro len. Asinain President Donald Trump nih Nancy Pelosi bantuk mihrut an um hnga maw? phunghrampi nih rian a ka pek bantuk in ka tuah ko lai tiah a leh.

Nancy Pelosi nih Supreme Court biaceihtu rian pek khawh lonak dingah kan si khawhning poah in kan kham lai tiah a chim. Supreme Court biaceihtu cu President nih thaizing Friday ah a duhmi a thim cang lai. Mah hnu ah Senate i Judiciary committee nih hearing an tuah lai I, an pom hnu ah Senator minung 100 nih thimfung an thlak lai I, vote 50 nak tam deuh in an fehter te lai.

Democrats Nih Stimulus Pay Check An Kham. President Donald Trump nih Democrats pawl nih harnak a tongmi mipi le small business pawl zei ah rel loin democrats pawl nih thathi in an uk khawh lomi le sualnak in a khatmi blue state pawl bailout bawmhnak pek lawng an duh caah atu tiang Stimulus paycheck kan pek khawh lonak a si tiah a chim.

Democrats party nih state cozah bawmhnak a telmi 3.4 trillions bawmhnak pek an duh. Asinain President le Republican pawl nih 2.2 trillion nak tlawm lawng bawmhnak pek an duh, Coronavirus he a pehtlai lomi bawmhnak cawh chih an duh lo caah atu tiang kap hnih lungtlinnak an ngei kho rih lo. Democrats pawl nih $ 3 trillion tal a si lo ahcun Republican party he I ceihti hmanh an duh lo, asinain tuzan lei ah khan 2.2 trillion hrawng in ceihmainak kan ngei than lai tiah an chim.

Donald Trump Thah A Timtu Canada Nu An Tlaih.Pascale Ferrier timi nih President Donald Trump cu ricin poison cabawm in a kuat caah FBI nih an tlaih manh caah President Donald Trump sin a phan manh lo. White house le Texas state hmun 4 ah a kuat ti a si. Kum 53 a simi Canada nu cu US le Canada ramri Fort Erie, Ontario le Buffalo, New York kar ah an tlaih cang.

An tlaih lio ah meithal zong a ken chih ti a si. Mah nu hi driving license hleng zong a hman caah an rak tlaih balmi a si. A hnulei ah mi zei an um hnga maw tiah FBI nih an hlat cuahmah lio a si. Joe Biden A Lungloh Ruangah A Chuah Sual. Democrats Presidential Candidate Joe Biden cu cacawn nikhat ni ah khan Pennsylvania i election campaign a tuahnak ah a biachim a chuahsual caah democrats pawl an lungrawk ngaingai.

US ah covid 19 ruangah minung 200 thousand an thi cang” ti dingmi ah US ah covid 19 ruangah 200 million an thi cang tiah a chim. A chimning in cun US minung cheukhat ah cheu hnih tluk a kan thihter vial cang. A lungloh tuk cang caah a um kalnak ding schedule zong a philh lelek caah atu le atu an nolh than lengmang ti a si.Laknak. Salai Lairamthang

Be the first to comment

Leave a Reply

Your email address will not be published.


*