THAWNGTTHATUK DONALD TRUMP CAAH A CHUAK RUANGMANG CANG

Donald Trump caah cun thawngpang ttha taktak a chuak cang. US biacaihnak sang bik Supreme Court nih nawl a chuah cang. Nawl an chuahning cun Donald Trump zong asungh ahcun ai cenet taktak cang lai. US Supreme Court nih biachahnak order a chuahmi cu State kip vialte ah Mail in vote pekmi cu adang tein rel dih uh tiah a ti cang hna.

Phungning tein vote rel dingin biachahnak an tuah caah Trump caah cun thawngpang ttha ngaingai asi. Aruang cu tutan US President thimnak vote thlak kongah thawngpang ningcang lotuk in a leng. Athi ciami hna nih vote an pek ti asi. Cun vote thlaknak hmun ah vote a thlami an reltik ah hin Trump nih Biden cu atei ngaingai. Sihmanhsehlaw Mail vote an vun reltik ah cun Trump dirhmun attum chuk taktak khi asi.

Curuangah Donald Trump nih Vote relnak ah Democratic Party a zumh hna lo caah US biaceih zung sang bikmi Supreme Court ah taza cuai dingin timh tuahnak a ngei. Democratic nih Mail in Vote an pekmi le 7:00Pm hnu Vote pekmi cu zoh than i; rel than dingin Supreme Court nih Order a chuahnak hi asi.

Theihcio bangin US thimnak vote thlaknak cu atu in hin nili aluan cang.US thimnak result cu November 7 tiangah result a chuak kho rih loh. State 50 chungah 45 aa fiang cang nain state 5 aa fiang kho rih loh. Result aa fiang rih lomi State 5 zongah Joe Biden nih teinak a hmuh lio asi. Result a chuak rih lomi Pennslyvania, Georgia le Nevada ah Biden nih teinak a hmuh chap rih. Cucaah, Joe Biden caah ruahchannak a tam ngai. Sihmanhsehlaw tutan thil sining nawlchuahmi nih hin thiltampi athlen khawhmi asi tiah an chim.

Thantlang PENG CAAH: Democracy cu mizapi/Mipi uknak a si i, mizapi/Mipi dihlak kha uktu ttuan awk a thatlo caah Mizapi aiawhtu ah minung pakhat thim a si. Kanmah Thantlang Peng minung dihlak aiawhtu ahhin Pyine ah Minung 2 kan thim khawh hna i, Amyotha ah pakhat le Pyithu ah pakhat tiah aiawh 4 kan ngei. Thantlang Peng mizapi aiawh caah thimmi Pu Henry Ven Thio cu Vice President a ttuan tikah,

Democracy sullam cun, Thantlang Peng mizapi nih Vice President kan ttuan ti ding khi a si. Pu Henry Van thio nih Kawlram caah siseh, Lairam caah siseh, Thantlang Peng caah a si ah, a ttuanmi le a tuanmi vialte khi Thantlang Peng mizapi nih kan tuahmi a si tiah hngalh a hau. 2020 ahhin Thantlang Peng mizapi aiawhtu thim tthan ding kan phan. Aiawhtu ah kan thim dingmi minung hna hi zeibantuk ahdah an tthut lai? Zeidah an tuah lai? Zeidah an tuah/ttuan khawh lai? timi hi thimfung ngeitu nih ruahchih a herh ngaimi a si.

Parties kip in mizapi aiawh si a duhmi vialte nihcun “kanmah hi kan ttha bik” an ti viar lai. Cucaah, thimfung a ngeitu lei in zoh a herhmi cu Kawlram politics boruak zoh tikah Chin State ah Cozah a tlaitu ding hi NLD Party an si tthan lai timi hi 99 % a fiang ko caah, NLD in aa pemi Pu Chan Ham le Pi Ni Sui kha Thantlang aiawh/ No1& 2 ah nan thim ahcun, Chin cozah uknak ah Thantlang Peng kan itel kho lai ti a fiang. Asinain, Uktu ttuan cu um ko seh ti ahcun, CNLD in Chin Chin Pekthang or CNP in Pu LMC tbk nan thim hna ahcun Opposition/ Nawl ngeitu a silomi, 2015 lio ah Pu Van Thawng le Dr Hmuh Thang ( USDP) bantuk kha a si ve lai tinak a si.

Cun, Union ah a kal dingmi ahhin Pu Henry Van Thio nan thim nolh tthan ahcun Union Cozah ah Tlangtlang peng mizapi nih position/ dirhmun biapi pakhatkhat cu kan tin co tthan khawh men te lai. Zeicatiah, Cozah a tlaitu hi NLD in an si tthan lai tiah zumh cio a si caah! Politics cu local an ti bantuk in Thantlang Peng/mizapi hi uktu/riantuan khotu si kan duh ahcun, kan aiawh ah thimmi minung hna hi, uktu an ttuan kho lai maw? Rian an ttuan kho lai maw? tbk an dirhmun hi zoh a hau hnga.

Asinain, Townships dang nih uktu cu ttuan rih ko hna sehlaw, opposition/dotu lei ah i volunteer ko usih nan ti ahcun, Cozah a tlai kho lo ding, Party le Independent in aa cuhmi kha thim ding an si ko hnga. Uktu bak ttuan ve usih nan ti ahcun, Cozah a tlaitu ding Party in aa pemi candidate kha vote bak ve ding a si hnga. Uktu nan ttuan bak ve lai. Catialtu Zasang Cinzah.

Be the first to comment

Leave a Reply

Your email address will not be published.


*