THAWNGPANG CHIA TAKTAK SI CANG DONALD TRUMP CAAH THIMNAK ADONH KHO

Donald Trump kong cu khuaruahhar in an vun langhter tthan cang. The New York Times nih atimi cu Donald Trump nih kum 2016 in kum 2018 chungah Income tax hi 750 lawng apek. Cun kum 18 chungah voi 11 ngunkhuai ape lo tiah an langhter. Hi konghe pehtlaiin Document kan langhter lo. Aruang cu kan bia laknak kilven ahauh caah kan langhter lo tiah an chim chih.

Hi konghe pehtlaiin US President Donald Trump nih White House ah reporters hna sin ah fianternak atuah ve. Atimi cu New York Times cabia hi lih hrokhrawl anmah nih an phuahchommi asi. Ngunkhuai hi tampi ka pek, IRS timi Internal Revenue Service hna nih thil an dottlet i, ning cangloin an ka tuahmi asi. Ngunkhuai ka pek ning hi a rauhhlan ah thanh colh asi i, biatak tein zohfelnak an tuahmi asi.

New York Times nih hin aliamcia kumli an tuanbia ttial mi kha an pehzulh mi asi tiah Trump nih ati ve. Tutan ah Trump kong an vun langhter mi nih hin a dirhmun a hrawh ngai lai tiah an zumh cang i, Democrats pawl zong an lung tho ngai cang ti asi. Hi konghe pehtlaiin New York Times nih thanhnak an tuahmi hi Presidential Campaigner caah cun lawmh awk ngaingai asi.

Hi thil hi tuanbia hramthok cu asi i, adang zong a ralaimi zarh hnih zarh thum ahcun a rak lang tthan ko lai. Donald Trump hi mipi ruahnak siseh ramkulh ruahnak le adang dirhmun Poll zoh tikah teinak a hmu lai lo ti hi aa theih cang i, alungre athei cang. New York State nawlngeitu hna sin ah cun a nunchung hnangamte in a um khawhnak dingah ngeih thiam a hal hna ahau lai tiah MSNBC This Week nih alanghter.

Hi bantuk in Donald Trump ngunkhuai pekning cang ahman loning in an tuahmi hi biadik asi lo. Trump nih hin chawlehnak atuahmi Golf Course Resort siseh Hotel le Trump Towers etc.. vialte hi ngunkhuai apekning cang langhter aduh ballo tiah Trump sihni Alan Garten nih a chim ve. Trump nih ngunkhuai apek lomi hi thilttha asi lo. Biadik a langhnak dingah cun Trump hi House ah a um lo a hau tiah Stand Up America hruaitu lultai Ryan Thomas nih a chim ve.

Hi konghe pehtlaiin aliamcia US president tthing Goerge W Bush le Barack Obama nih khan income tax hi tingkhat an rak pek tiah an langhter. Asinain Trump nih cun 750 lawng apek tiah an chim. Hi thawngpang cungah Trump dirkamh tu hna nih cun a ralaimi September ni 29 ah Trump le Joe Biden debate atuah ding an si i, cucaah lih in bia an langhter mi asi ko tiah an ti ve.

Be the first to comment

Leave a Reply

Your email address will not be published.


*