TEINAK KA HMUH KHAWHNAK DINGAH ALAM PAKHAT A UM: TRUMP

US President Donald Trump alung athi kho hrimhrim lo, ruahchannak lam pakhat angeihmi cu mipi theih in a phuan tthan cang. Donald Trump nih atimi cu thimnak vote relnak khi ka zumh khawh lo caah vote an rel tikah Trump Campaign pawl nih zoh ve hna seh tihi kan duhnak cu asi. Asinain vote relnak khaan chungah an luhter duh hna lo tiah a chim.

Cun Donald Trump nih ati tthan rih mi cu vote avoi hnihnak an rel tthan mi zongah Trump Campaign pawl an luhter tthan hna lo. Vote relnak ah ah luh khawh lawngah teinak cu ka hmuh khawh lai tiah Donald Trump nih twitter ah zapi theih dingin a chim. Vote relthan nak konghe pehtlaiin tutiang ahcun Joe Biden nih Donald Trump cu atei ko rih ti asi.

Vote an rel tthannak hmun ah Joe Biden nih teinak ahmuh rih nak hi Arizona le Georgia ah hin a si i, atu an langhter ning ahcun Joe Biden hi atling dingmi khi asi tthan. Tutan US thimnak vote rel kongah siseh vote reltthan nak kong zongah biadik taktak theih ahar ngaingai. Aruang cu thawngzamhtu hna zong pakhat le pakhat an i dang cio hna. Cucaah phungning tein thanhnak an tuah hlan paoh hi cu hodah teitu timi hi chim ahartuk.

Relchih:Hi Pa Nawl Hi Cawng Cio Hna Usih. Sam, 118: 24. Bawipa nih a kan pekmi ni hi zeitluk in dah a that; hi ni ah hin i lawm usi law i nuam usih. Khrihfa nun hi a harmi ah ruah ding asi lo. Thiang Thlarau thawng in lawmte le nuamte in nung kho kan si. Cuti nung ding zong in Pathian nih a kan duh. Bawipa thangthatnak le asin i lawmhnak chim bu in nung ding kan si.

Cun thinphan zong a kan thlauh fawn (Filip.4:6-8; 1Thes.4:17). Cucaah nihin caah hin zohchun awk a tlak ngaimi pastorpa kong in thazang la
hna usi law a nawl cawng hna usih tiah sawm kan duh hna. Soe tiah min ai bunhmi Karenpa tialmi chung in ka lak i kan hrawmh chinmi hna asi. Kawlram a harnak deuh hmunah Pathian rian a tuanmi pastor pakhat a um.

Teihpung angki pakhatte lawng a ngei i cucu zarhpi ni chiar ai hruk. Zarhte zanah an nu nih cu a teihpung angki cu zarhpi zing phungchimnak i i hruk a herh caah miphu a teih piak. Ruahlopin a taang zawn a kang. Avan zoh cu a taang zawn ngelcel asi. Akhu le a rim an van hmuh i an van theih le cangka an fanu hniangte nih phungchim ding a buaipi liomi a pa cu a va chimh.

Pastorpa cu a theih kaah a hmai a chia rup ve. Ava kal i an nu a hei zoh cu lephiat lai bang an nu a lautuk le a hmai a chiat tuk kha a hmuh tikah nih bute in Mah ka teihpung angki hi a hlun tuk cang. Kan member pawl zong nih mah angki lengmang an ka ti tawn. Thaizing thok cun tuchan sital in angki ban tawi he phung ka chim ve cang lai.

Zoh zong kai rem deuh lai. Kha teihpung kha cu kumthar- kum hlun thlennak zan i kai hruk te dingah ka fim piak ko.” a van ti vial cu an nu kha ai lawm tuk cang. Leklak a tho i an pa cu a kuh, a reh i hehtiah a hnamh. Cun a mitthli zong a tla ( Ka tial lio ah ka tah ha a mang ve). An hniang cem nu nih ” Ka nu a thluak a rawk cang” ati i an chungpiten an ni hna i an i lawm tuk hna.

Mah pastorpa te chung kong ka rel dih ahhin keimah le keimah bia ka hal. A hngar zong ka van hngar ngai hna. Chungkhar nuamhnak le lawmhnak hi inn tha le lo tha, hni le puan le fenhaih, rengsan le reng niamah a rak i hngat hrim lo hi teh ti kai fiang chinchin. Vawikhat cu America ram biakinn lianpi pakhat ah zarhpi zing pumhah an pastorpa nih bia a hal hna.

Atu kan pumh tian hin ngaihchiami an tam biknak hmunah kal u ti siseh law, khoikaah dah nan kal hnga?” tiah member pawl a hal hna. Tamcem nih an tinak cu, sizung, thonginn le sifak sangah an ti. Cun an pastorpa nih, ” Kei cu mirum sangah ka kal lai” a rak ti. Lawmhnak taktak le nuamhnak taktak a um lonak cu vawlei chaw le va le nuamhnak lawng a buaipi tu hna an si ati.

A hman ko. Cucaah Bawipa nih a kan pekmi NIHIN ah hin Bawipa thawng in chungkhar nuam a dirhmi pastorpa nun hi cawng hna usih. Akan pekmi van thluachuah le lei thluachuah rel hna usi law Sam catialtu nih ati bang i lawm usi law i nuam hna usih (Sam.118:24). Zarhpini laksawngah kan hawile SHARE ( HRAWMH) hna usih. Jesuh min in kan nawl hna. Credit: Thio Za ( Rev. Dr G Zathio)

Be the first to comment

Leave a Reply

Your email address will not be published.


*