BIDEN HI AI CHUAH SUAL AHCUN A NINGZAH A CELH TE LAI LO

Biden timtuahnak cu amak ko cang, US President kongah atuhi official in thanhnak tuahmi aum rih lo. Asinain Joe Biden cu president ding bak ah ai ruat cang. Trump le Biden dirhmun hi chim awk attha rih lomi thil asi. Cu asiko nain Joe Biden nih thaizing November ni 24 ah thanhnak ka tuah lai tiah a phuan cang. Joe Biden nih thanhnak ka tuah lai atimi konghe pehtlaiin atanglei bangin langhter asi.

US Cozah thar dingah Joe Biden nih amah bawmtu caah a cabinet ding tthenkhat hna cu zapi theih in thanhnak ka tuah lai tiah a chim. Cun Joe Biden nih hin a cabinet ding vialte hna cu timhtuahnak angeih dih cang hna i, a thim chung dih hna. Joe Biden nih a thimmi chungah rian biapi a khinh dingmi an langhter mi hna cu atanglei bantuk in hin an si.

US Secretary of State caah a thimmi cu Antony Blinken asi, Amah hi kum 58 asi cang tiah an langhter. Antony Blinken cu president Obama chan ah khan Deputy secretary of state rian a rak tlai cangmi asi. Hi lio caan tutan ah ruahmi Joe Biden cu vice president arak si. Culawng siloin kha lio caan ah National Security Advisor zong a rak si rih. Cun Biden nih hin National Security Advisor caah Jake Sullivan athim lai ti asi. US Ambassador caah Linda Thomas-Greenfield athim lai tiah an langhter tthan.

US President thimnak hi Trump lei nih an i timhlamh atluan i, thil sining aithlen asi ahcun Donald Trump hi president asi rih mi asi. Atuhi thilsining biatak tein an kalpi cuahmah lio asi i, ahodah president asi lai timi theih khawh asi rih lo. Tutan ah Joe Biden nih rian biapi taktak atlai dingmi thaizing ah thanhnak atuah dingmi hna ai chim sual khawh men tiah minung tamp nih an ruah.

Relchih: US President Thimnak Thawng, US Election Kong Theih Hmasa Ding. Pakhatnak, State kip nih an mah State chungah Republican Trump lei maw, Democratic Biden lei maw an tei tinak phuannak( Certification) an tuah hnu lawngah final results an kuat te lai. 2. Election kongah buaibainak a um than ahcun US Supreme Court nih biachahnak a tuah khawh than lai. Pathumnak. Election Results dihlak hi 8 December ah dih fel cikcek hnu ah Federal GSA ah pek dih ding asi. Palinak, 14 December 2020 ah States kip i, Electoral College Votes tlingmi vialte kha US President tang i ummi General Services Administration ( GSA) ah Report nak tuah dih ding asi. Panganak. US Election kong he pehtlaih in buaibainak a um sual ah cun, US Congress ah le US Supreme Court sang bik nih biachahnak an tuah khuah lai.

Paruknak. 5 January, 2021 ah Senators-2 Georgia State in thim ding an si. 7. 20 January, 2021 ah US President thar lakluh nak tuah ding asi. Media ( Fox, CNN, ABC, AP) pawl nih an tuak chawm( Projected)an tuahmi ah Biden nih 306 le Trump nih 232 an hmuh te lai tiah an ti. BIDEN 228. TRUMP 232 ( Georgia- 16 he Biden cu 244) Trump 232 Hi hi tulio Trump le Biden te dirhmun an si. House Representatives; Democratic- 222. Republican- 205. Senator’s Democratic-48. Republican- 50. January 5,2021 ah Georgia State ah Senators-2 an thim hna lai. US President Election cu States-5 ah an rel lio pi asi i, Georgia State ah cun Biden nih 12670 hlei in teinak a hmuh ti’ah Georgia Secretary of State Brad Raffensperger nih phuannak ( Certi fy) an tuah cang caah Biden nih EC Vote -16 hi hmuh chap dawh asi.

Wisconsin State i Milwaukee le Dane County ah Votes an relthan lai. Republican lei nih Votes relthannak Phaisa $3.7 millions an pek cang. Pennsylvania ah cun,Trump Attorney Rudy Giuliani nih Votes relthannak a hal thanmi cu, Districts Judge Matthew Brann nih sianh lo nak a tuah i, thaizing Monday ah Secretary of State Kathy Boockvar nih Results phuan Certification nak kan tuah lai ati. Michigan State zongnih thaizing Monday ah an Results phuan an timh ve nain, Republican Chairwoman Laura Cox halthannak thawngin Mondayah Board of State Canvassers nih Vote relthan ding an ceih tha’n lai ti’ah Governor Gretchen Whitmer nih a chim. Tu an dirhmun rih ah cun, President an si khawh nak lai Trump nih 40% le Biden nih 60% an nei ve ve.

Trump nih State dang 1 ah maw,2 ah a tei than ah cun, a tling kho ve rih ko. US Constitution Law Professor Dr. Alan Dershowitz nih cun, Election kongah Supreme Court nih biachahnak a tuah khawh na’in a dongh biknak cu US Joint House Congress nih final decision an siam khawh ati. Republican i, Senator minthang Liz Cheney nih cun, Trump cu asung (Concede) pe cang koh ati na’in Trump nih a duh loh. Biden nih cun a Cozah thar ca dingah National Advisor thing Ms. Susan Rice asi lo ah Deputy Advisor Tony Blinken hna cu, pakhat chang chang Secretary of State ah chiah aa tim tiah a thanh ve. Whitehouse Press Secretary Kayleigh Mc Enany nih cun, Trump nih (Concede) hi pek a timh lo hrim hrim i, President in thlennak kong zongah GSA nih zeihmanh timhlamhnak a um rih loh tiah Press Meet ah a chim. Credit: MC Biklian

Be the first to comment

Leave a Reply

Your email address will not be published.


*