RAM MIPI AN THINHUNG TUK, RALHRANG NIH TULUK SIN AH LIH BIA A CHIM

Min Aung Hlaing te phu nih Tuluk sin ah an chimmi cu kawlram mipi an thin hung taktak. Tuluk nih a tu voikhat kan ramchung ah kuanfang a tlak ahcun kan in kah cang hna lai tiah theihternak an tuahmi cung Kawlralkap ralhrang hna nih an timi cu KIA le TNLA, MNDAA hriamtlai ruangah Tuluk ramchung ah kuanfang a lut. Kanmah nih cun kahdohnak ngol dingin thanhnak kan tuah cang.

Asinain hriamtlai pawl nih kahdohnak chuah dingin cawlcanghnak an tuah i, culio caan ah daitein um awk kan ttha lo i kan kahdoh ve hna a hau. Cucaah rak kan theithiam hram uh, Kannih cu ram mipi inn le lo a kilvengtu kan si i, hriamtlai pawl nih ram pahnih karlak ah buainak um chuak seh tiah ramri ah kahdohnak an chuahter or tuah hramhram mi a si tiah an chim. KAWLRAM nih Tuluk sin ah lehnak bia a chimmi cungah ram mipi an thinhung tuk i, Tuluk an thinhung chinchin dingin ramri ah kahdohnak tuah peng ding asi tiah an chim ve.

Hi konghe pehtlaiin Tuluk nih theihternak atuahmi cu a tu voikhat na tuah tthan rih a si ahcun hriamnam in kan phomh lai cang tiah ralhrang kawlralkap pawl ralrinnak an pek cang hna. Hi konghe pehtlaiin Tuluk nih ralhrang kawlralkap sin ah theihternak a tuahmi cu August nili le ninga Kawlram chungah kahdohnak ah kuanfang tthenkhat cu Tuluk ramchung ah a tla.

Cu kuanfang a tlami nih cun inn tthenkhat a khanh. Cun atu hrawnghrang ramri ah kahdohnak a um peng i, Tuluk ramchung ah kuanfang a lut lengmang. Hibantuk thil hi kawlram he remdaih hnatlaknak kan tuahmi kalh a si pin ah ramri ah a ummi Tuluk mipi him loin nan tuah hna. Cucaah hi konghi biapi ngai ah kan chiah mi a si.

No description available.

August ninga ah Kawlram palai U Myo That zong biaruahnak kan ngeih dih cang i, ramri ah kahdohnak tuah lo dingin siseh ramri cu ram pahnih nih kilven zohkhanh dingah theihternak zong kan tuah. Hi hnu ah ramri lila ah kahdohnak a chuah tthan i Tuluk ramchung ah kuanfang a tlak tthan rih a si ahcun kan in kah ve cang hna lai tiah cakuat ahcun an langhter.

Be the first to comment

Leave a Reply

Your email address will not be published.


*