NORTH KOREA NIH US KONG APHUAN CANG SOUTH KOREA ATTHUAT CHIH

North Korea nih timhtuahnak angeih mi vialte aphuan cang. North Korea nih a timi cu US he i chawnh biaknak tuah kan tim lo. US chawnhbiak hi kan i tim lo tiah an phuan. Hi konghe pehtlaiin North Korea nih thanhnak an tuahmi cu US he chawnh biaknak tuah hi kan i tim lo. Cu lawng siloin hi kongah South Korea nangmah zong i thlak hlah tiah a ti.

North Korea nih atu bantuk in thanhnak an tuah cuahmah ko nain US nih North Korea he chawnhbiak nak lam kawl dingin South Korea ah kal an i tim ti a si. Hi konghe pehtlaiin North Korea Foreign Ministry i, US Affairs director general Kwon Jong Gun nih atanglei bantuk in thanhnak atuah ve.

Kwon Jong Gun nih atimi cu thanhnak tuahmi hi South Korea lei nih ahman lo ningin thanhnak an tuah. Cu an chuahmi cu North Korea hruaitu Kim Jong-un le US President Donald Trump hna cu ton biaruahnak an ngei tthan lai tiin an thanh ti asi. Cucaah Kwon Jong Gun nih hi thil an thanh mi a hman lomi asi tiah a chim.

North Korea le US hi chawnh biaknak peh zulh tthan hna sehlaw ka duh piak ko hna. A harh a si ahcun an karlak rian ttuanning zongah i teltum kan huam ko tiah South korea president Moon Jae-in nih a rak chim bal cang.Cu bia a chim hnu ah ram hruaitu pahnih hna cu ton biaruahnak ngei kho ulaw tiah ruahnak zong a pek hna ti asi.

Sihmanh sehlaw tutan ah North Korea lei nih zapi theih in thawng thanh nak an tuah cang. North Korea nih a timi cu US he chawnh biaruahnak ngeih tthan hi a harhnak kan thei lo tiah thanhnak an tuah pin ah South Korea zong fak ngaiin an ti tthan. Mi dang ram kongkau ah hin South Korea rak i thlak ti hlah tiah an ti tthan rih hna.