KHUARUAHHAR SI CANG, FAK TUK IN DONALD TRUMP LEI VIALTE ATTHUAT HNA

Biden Buancomi Namhnehpiaktu Ding Eletoral College Ralchanh In Duhlonak Langhter Ai Timmi Republicans Pawl Mitt Rommey Nih An Zo Zarang In Ahlih Hna. Electoral College vote ralchanh in duhlonak kan langhter lai, tiin ai hrocermi Republican pawl cu Utah Sen. Mitt Romney nih an zo zaraang in a hlih hna.Molhtamh bia a si. Tuah tawn ningtein kan tuah ko, vote relthannak tuah zong hi a phung a si ko, biaceihzung phaakpi le tazacuianak tuah zong hi a phung a si ko.

Asinain, riantuan dingin mipi nih an thimmi hna electors pawl rian tuan lo dingin kham timh cu molhtamh bia rumro a si,” tiin Romney nih a chim. Cu a chimmi cu NBC News biachimtu Frank Thorp V nih a vun chimchin. Business Insider ah a tu bantukin Romney nih a chimmi cu a aiawhminung zong nih a fehtermi te a si ko. 2020 election results a khupthal leh tim in state tampi ah Trump campaign le a Republican hawirual nih tazacuainak an tuah.

Biden nih buan a co mi hi Election Day hnu ni tlawmpal in khan ai fiang ngai ko cang nain, nihin tiangah Trump nih a sungh a khaan duh lo.Khah, mipi an vote hi biapi ah chia lem hna hlah u sih. Cunakcha in cun kan duh ning tu in tuah ko u sih. Cu kan tuahning cu democratic republic nih an tuah awk a si theng lo mi phung zulh in a si lai,” hei ti phun khin Trump a cawlcangh daan hi a si, tiah Romney nih a chim.

PA election results namhnehnak kham dingin Rep. Mike Kelly le PA state biaceihbawi pawl nih nawlnak an tuahmi cu Tuesday ah khan US Supreme Court nih an hnonpiak hna.Tuesday hi deadline caah hnangampi awk tha ngai a si. A sullam cu, an result cio namhneh dingin states vialte an fial theng hna lo, asiloah an fial hna hmanh ah, an results vialte hi final a si cang lai i, Congress zong nih a cohlanpiak hrimhrim ve cang hna lai, tinak a si.

Anmah le state cio i vote result namhneh dingin electors pawl an i ton hnu ah, vote an namhnehmi cu an state cio i chief election official sin le, the National Archives sin le, a tu lio Senate an president sin ah an hei kuat te ding khi a si,t iah Business Insider biachimtu Grace Panetta nih a chim.January 6, 2021 ah khin a donghnak vote namhnehnak tuah dingin Congress pahnih komhchih in Vice President Mike Pence nih a cawlcanghpi te hna lai.

Vote results pawl cazin in an khumhmi zei member hmanh nih an doh (object) lem lo ah cun, vote results cu official tein namhnehnak an vun tuah khawh cang lai, tinak a si. Cu ti i Congress pahnih members pawl fonh i tonnak an tuah lio ah cun a cheukhat states pawl electoral vote hi kan challenge thiamthiam rih lai,” tiah the House of Representatives chungin a cheukhat Trump campaign members pawl nih an chim.

The House member le Senate member komh in state kip aiawhtu electors pawl challenge an tuah hrimhrim awk a si. Cu hnu lawngin cun, the House le Senate kawpin electors pawl cohlan awk an si le si lo kongah ralringtein khuakhannak an ngei kho lai. Credit: Chelsea Bawi

Be the first to comment

Leave a Reply

Your email address will not be published.


*