LOHTLAU SI CANG THAWNGPANG THAR ACHUAK, TUTIANG VOTE AN REL TTHANMI

Tutiang Arizona vote an reltthan mi ahcun Donald Trump caah thawngpang chia ngaingai asi ko. Arizona vote cu atu hi zatceo renglo an lim cang. Asinain vote an relmi chungah cun adik lomi vote a um tiah an langhter. Arizona cu Swing State bantuk asi i, hika ah hin Electoral vote zong 11 a ummi hmun asi. Vote thlaknak konghe pehtlaiin Donald Trump state tthenkhat hna cu taza acuai hna caah vote zong reltthannak state tampi a um.

Cu chungah Arizona state zong hi atubantukin vote an relve mi asi. Hi vote an relmi hi an kut bak in an rel tthanmi asi. Vote an reltthan mi Counties 15 chungah pariat hna ahcun ning cangloin vote thlakmi a um lo tiah an chim. Ahman lonak a um lo, hi thil nih hin thimnak result a thlennawn khawhmi a um lai lo tiah Attorney General Mark Brnovich nih a chim.

Hi lio caan ah state tthenkhat ahcun vote an reltthanmi ah Donald Trump nih teinak ahmuhnak zong aum ti asi. Thimnak result konghe pehtlaiin thilsining fiangin theih khawh asi rih lo, Donald Trump zong nih teinak ahmuh khawhmi asi i, Biden zong nih teinak ahmuh khawh mi asi. Phungning tein president hi thanhnak an tuah rih lo caah zeihmanh afiang kho rih lo. Mipi le thawngzamhnak tampi nih cun Biden hi teitu asi tiah an langhter dih.

New York Ummi caah. Tulio US vote relsult buainak lak ah New York nih phihkharnak an tuah tthan cang. Coronavirus zawtnak hrialnak dingah phihkharnak cu New York khuapi ah avoihnihnak an tuah tthan cang, Hi khuapi ah zawtnak aum lonak dingah atuhi avoihnihnak phihkharnak tuahmi asi i, hihi adonghnak bik Last Chance asi tiah New Yor mayor Bill de Blasio nih a chim.

Cun ati tthan rihmi cu suimilam pahra chungah Bars siseh Restaurents le Gym hna cu khar dih ding, Cun minung pahra nak tam hmunkhat ah um lo ding tiah nawl a chuah. Nithum ah khan sizung ah luhpi mi hna hi minung thong sawmruk renglo an si i, nifatin in minung zakua hrawnghrang hi an nunnak aliam tiah langhter asi.

November thlachung lawngah zawtnak angeimi hi million khat renglo an um cang i, rampi huap cun million pahra renglo zawtnak an ngei cang. Cun hi a nunnak aliammi hi minung tinghnih renglopi an si cang. US ah hin a hnubik niriat chungah hin zawtnak angei thar mi hi minung tingkhat hi cu nifatin in an um ti asi, tuanlio deuhnak in US dirhmun attha ti lo tiah thiamsang hna nih an chim.

Tulio bantuk in thil akalpeng asi ahcun sizung vialte zong an khat dih lai tiah an chim chih. Hi konghe pehtlaiin Dr Michael Osterholm nih atimi cu Shutdown chungah chawletmi hna nih an sunghmi, cozah nih bulhnak ah hin tangka an bat ahau lai tiah achim ve. New York cu ningani thok in phihkharnak tuah asi lai i, tubantukin zawtnak akarh ahcun sianginn zong online in kai ahau te lai tiah mayor nih a chim chih.

Atulio caan hi kan tuah khawh dingmi caan adonghnak asi i, kan kham khawh lai, Asinain cawlcangh kan hau ko tiah a peh chap. New York cu fak ngaiin zawtnak nih akulh hna i, March thla in April tiangah khan minung thong hleiriat an rak thi. State dang zongah atuhi akarh ngaingai ve cang, cu chungah Texas zong million khat zawtnak an ngei cang ti asi.

Fox News nih a ttialning ah hi tazacuainak hi Trump te pafa nih an tei nain Pennsylvania ah thimfung 54000 in Joe Biden nih a tei caah atu thimfung 10000 hi Trump nih a tin zong ah a phichuak cu aa dang lai lo, Joe Biden nih thimnak a tei ko. Asinain an lung dong lo i Michigan, Wisconsin, Georgia, Arizona le Nevada ah tazacuainak cu an nor cuahmah lio a si rih. Cc. FoxNews. Credit: Teirial Cattialtu

Be the first to comment

Leave a Reply

Your email address will not be published.


*