LIH LE HROKHRAWL IN VOTE AN THLAK MI AN PHUAN CANG. THINPHANG SICANG

US President thimnak vote an relmi ah lih le hrokhrawlnak thil a chuak. Trump nih teinak a hmuhnak State ah Biden an tlinter. Republican pawl nih thimnak rigging an cohlang lo. Supreme Court ah an kalpi. Lih le hrokhrawlnak in Biden hi president asi ttuan hlei lai lo. Nizan zanlei khan Swing State panga hrawngah Trump nih teinak a hmuh. Trump zong nih teinak ka hmuh ti afiang ko tiah a chim.

Achim tlawmpal ah Democrats uknak Pensylvania le Wisconsin, Michigan le Georgia cun North Carolina hna ahcun vote an rel dih cang. Asinain athlithup in Vote thar tampi an chuahpi tthan. Ballot box an vun on tthan tikah cun ating renglo an chuahpi tthan. Cun Wisconsin state ah registered voter nak in vote atlami a tam deuh rih. Vote angeimi hi 312900 asinain vote hi 3239920 an thlak.

An i dinh hnu ah vote thar akarh mi hi vote 110920 bak asi. Hi vialte vote thar asimi cu Biden lawngte asi. Ballot Box umnak hmun in pe 30 nak neih ah Party dang agent pawl nan um lai lo ti asi. An hmuh lo karlak ah ballot paper thong tampi rak khumh tthan asi tiah an chim. Hithil hi Democrats pawl nih an i timhmi asi tiah asi tiah Rudy Giulian nih a chim. Trump nih teinak a hmuh tiah TV Channel tthenkaht nih an chim.

Asinain CNN nih Wisconsin le Michigan state pahnih ah Biden nih Trump cu atei an ti rih. Tuzing suimilam 6 ah CNN thawngzamhnak ah cun Nizan i Georgia state dirhmun an langhtermi Trump 55 Biden 44 asimi kha zakhat karlak ah Biden cu 48.9 ah an kaiter rih. Cun Trump zong 49.9 ah an chiah rih. Hihi lih le hrokhrawl taktak cu asi. Trump atthawnnak state paoh ah Rigging an tuah.

Hibantuk in US thimnak vote kongah cuhlan ah atubantuk in thil a um ballo ti asi. Lih le hrokhrawl cun Biden nih fawite cun President rian attuan kho lai lo. Atu tan ah thinphang asimi cu lih le hrokhrawl in thil an tuahmi ruangah civil war zong a chuak kho te dingmi asi tiah minung tampi nih an zumh cang. Republican le Democrats pawl hi minung aithlau tuk lo mi an si i, pakhat khat cu atu siningin achuak ko lai tiah an zumh.

Relchih:US thimnak hi lung ahringtuk cang, thilsining biadik taktak kan vun langhter lai. Vote an relka hrawngah khan cun Joe Biden nih avun thlaupah leng ko. Asinain vote thatein an vun rel lengmang tikah Trump nih a vun dawi cuahmah. Arauh hlan ah Trump nih Biden cu a vun lonh cang. Democrats hna nih an i ruahnak hmun Florida le Texas zongah Trump nih a vuitei rih.Culawng siloin Ohio le hmundang abiapi mi zongah avun tei tthan rih. Vote an relcuahmah nak state zongah trump nih atei thluahmah.

Hi zawnah thil pakhat chinchiahtlak asimi cu US thimnak ah Ohio state ah teinak a hmumi paoh hi teinak ahmumi an si tawn. Curuangah Trump cu vawleipi zong nih atling tthan ko lai afiang ko cang tiah an ti dih. Asinain khuaruahhar thil ahung chuak. Pennsylvania Eletoral Vote tamnak ahcun Trump nih vote ting 5 bak in Biden atei i, vote cu an rel thluahmah. Trump dirhmun cu attha ngaingai cang i, Pennsylvania ahhin Trump nih teinak ahmuh lai tiah ruah dih asi.

Sihmansehlaw vote an rel cuahmah mi cu tuzan caah cun zarih seh thaizing ah kan reltthan te lai tiah an ngol diam. Caan zeimawzat avun i dinh hnu ah Pennsylvania Governor Tom Wold nih hitihin a chim. Vote in Mail Ballots 3 million renglo relding kan ngei tiah thanhnak atuah. Donald Trump nih tam ngaiin teinak a hmuhnak Michigan le Wisconsin hna cu voikhat lo ah dirhmun aithleng. Mail in vote Ballot an relthar mi vialte ahcun Donald Trump dirhmun akai kho ti lo.

Culawng siloin i chimhcia le i timhcia bantukin Voikhat te ah vote relcuahmah mi ah Trump cu adirhmun zeihmanh a kai ti lo. Trump nih ahruainak vialte hna cu pakaht tete in tei thluahmah a hung si cang. Hi konghe pehtlaiin atu ca vun ttialcuahmah lio ah hin cun Fox LE India Today nih cun Joe Biden nih Electoral College 264 ahmuh cang tiah an langhter. Trump cu adirhmun pakhat te hmanh akai kho ti lo. Atu sining cun Joe Biden hi teinak a hmu cang timi thanhnak tuah lawng atang cang.

Trump nih teinak ahmuhnak le Biden alonh cuahmah nak hmun State voikhat te ah dirhmun a vun i thlennak hi Democrats khuakhan lairelnak state lawngte asi. Anmah thimnak kong zongah an control dihnak state asi. Vote konghe pehtlaiin ahman lomi a um maw timi angiathlaitu Poll Watcher hna zong vote relnak ah an luhter duh hna lo i, an kham dih hna. Cupin ah Polling STATION hna ah phungning loin an tuah ti asi rih. Donald Trump dirhmun atthatuk cang mi voikhat te ah Mail in vote hmangin Joe Biden nih avun teinak Michigan ahcun zanlei an relmi vialte adihlak vote 128,000 cu Joe Biden vote lawngte asimi hna hi khuaruahhar taktak cu asi.

Trump nih ateituk komi voikhat te ah Joe Biden nih avun lonh mi hi vawleipi zong an khuaruahhar dih. Tutan thilning konghe pehtlaiin Trump nih atanglei bangin a chim. Hihi asi ko, a hramthok te ah ka rak chim tawnmi kha asi. Ballot ting tampi hi mipi sin ah an phawt hna lai timi kha ka theih cang mi le ka rak chim lengmang mi kha asi ko. Democrats hna nih Coronavirus hi an bia meilah ah an hman i, US mipi hna cu ahmun ah vote thlak loin Mail hmang in vote nan thlak lai tiah an ti hna tiah a chim.

Donald Trump campaign Manager Bill Stepien nih bia a chim ve. Felfai tein vote hi relhna sehlaw Donald Trump hi atling hrimhrim lai tiah ka zumh. Nevada zongah vote 5500 renglo in teinak kan hmu lai i, Arizona zongah vote 30,000 renglo in kan tei lai i, Pennsylvania zongah vote 40000 renglo kan tei hrimhrim lai tiah a chim. Michigan ah vote hi reltthan dingin Supreme Court ah kal dingin ready ka si ko tiah a chim. Trump nih ati vemi cu thil a cang dingmi a cang dih ko cang, US thimning system hi fihnung ngaingai asi ko timi an chimceih ko lai tiah a chim ve.

Be the first to comment

Leave a Reply

Your email address will not be published.


*