KUT BENG HNA USIH, MIN AUNG HLAING NIH MINUNG AA HMUH TI LO HIH

Kawlralkap rianttuan dingin minung an um ti lo. Min Aung Hlaing an ttih dih cang. Ralkap bawi rianttuan dingin mithar an kawl hna nain an hmu ti lo. Rampi huap in minung zakhat lawngnih an sok cang. Ralkap cozah cu ahlan bantuk asi ti lo. Mipi nawlngaihnak an lak hnu in ralkap officer training dingmi an duh ning in minung an um ti lo.

Kawlralkap ralhrang hna nih training an auh hna, Asinain a ni caan an khiah hnu zongah voihnih a nicaan an sauh tthan. Sihmanhsehlaw minung an i hmuh ti lo caah silhnalh nak ah covid an puh tthan cang caah a ni caan an pehtthan rih tiah an thanh. Uknak ralhrang nih an lak hlan ahcun ralkap officer training ah hin minung 1200 hrawng an thim tawn hna.

Hi rian asoktu hi minung thonghra leng an si tawn ti a si. asinain tutan ahcun minung an i hmuh ti lo. Tutan ah a sok mi hmanh hi ralhrang kawlralkap chungkhar le ralhrang kawlralkap hna i an fale an si tiah an chim. Hi konghe pehtlaiin People’s Embrace dirhtu captain Lin Htet Aung nih a chimmi cu nifatin ralkap minung pahra ah minung panga hi mipi lei ah an dir cang tiah a chim.

Tutan ah ralhrang kawlralkap hna nih training an auh mi hna hi an dih tikah ahcun Army, Air Force le Navy ah Commissioned Officer an si tawn i, Leutanant or Second Leutanant rank pek an si tawn. Asinain ralhrang kawlralkap hna nih hi rianttuan dingin an auh mi hna cu kumdang bantuk a si tilo, an tlamtling ti lo tiah theih asi.

May be an image of 3 people

Thawngpang dang:USA um Chinpa pakhat wanted a si hoi! Ramthumnak ah Chinmi singkhat tluk kan phan cang, fimthiamnak sang ngeimi zong tampi kan um lio ah a rak sualmi zong an um ve.Mah hi vawlei nih a chuahpi a rak si ko rua. Nain kannih Chin/Laimi chungin mah bantuk kan um cu sia arem lo ngaingai. Nizan tihni ah USA ram Collin County Sheriff Office thanhmi ah ngakchia kum 13 meithal kaptu an si tiah lunghrin mi kanmah Chinmi pa pahnih an tlaih hna thawng theih cu kan lau, kan ngaihchia cio. Tutan ka tarmi hi cu, Chin khualipi bantuk ah ruahmi Indiana polis khua nawlngeitu nih hmuhnak poh ah tlaih ding(wanted) an thanhmi ah kanmah Chinmi pa pakhat aa tel rihmi ruah tikah lung a nuam kho hrim lo.

Fale sualmi ngeih tikah nulepa rumro kha mawhpuh thlu awk an tthat ve lonak a um. A ruang cu cawnpiak chimhrin peng ko nain aa remh kho loin sual lam a zulmi an rak um tawn ve caah si. Abik in: Ramthumnak kan um tikah apakhatnak ah fale kha felfai tein zohkhenh kha nulepa rian cu si. Mizeimaw cu Tangka lawng ruat in fale khur-awmh lo kan um len tikha kan Pastors te hna hmurka in a chuak pah tawn ko.Nuva in company ah rian kan tuan,kan nunsia a rem,Innlo ttha le motor tha kan cawk pinah Chinram chungkhat kan hei bawmhchanh khawh ko hna,

Bank ah tangka tampi kan ikhon/chiah ko lai,nain na fa suallam a zulh I wanted a si cangah cun mah na ngeihchiah thilri chawva nih khan an hnem kho ti lo. Pabik riantuan sile nu nih fale zohkhenh ding,Nubik riantuan le pabik nih fale zohkhenh bak ding si. Nu le va in Fale zohkhenh loin rian ah kaltak an si,fale cu sml 9/10 chung an duh poh in khua an sa,zeitin fale an cawlcangh kan thei ti lo.Misual le mifel an komh zong kan thei ti lo caah fale caah cun suallam kaupi aa hung cang. Cucaah ramthumnak ummi nih theih dingmi cu,fale an cutzat/lungfim cikcek hlan cu,nuva in riantuan tak hna ding a silo, pakhat poh nihcun khur-awmh hrimhrim ding an si,Sianginn an kainak zongah va kalin an saya/mah te kha na fa konglam na va hal pah hau/Nitling in sianginn a kai tawn maw/siangin kai loin a rol ziar maw ti bantuk tiang khan na fa kainak sianginn ah na va hlat pah ding si. Credit: Chinland 7 Post.

Be the first to comment

Leave a Reply

Your email address will not be published.


*