KHAH TAWLRELTU BAK NIH THIL SINING AN PHUAN DIH CANG HIH

US tuanbia zohtikah Thimnak hi ahim bikmi thimnak asi tiah US Official nih a chim. Hi konghe pehtlaiin US Federal election officials hna nih an timi cu tukum White House vote hi American tuan ah a him bikmi asi tiah an chimpin ah President Donald Trump nih lunghrinhnak a um atimi hi cohlan awk attha lomi asi tiah Trump ruahmi cu an cohlang lo.

Cun voting system delete maw asiloah vote thlau maw vote thlennawn maw asiloah vote karhter timi hi fianternak tehte pakhat hmanh aum lo tiah committee hna nih an chim chih. Atubantuk in bia an chimnak aruang bik cu Donald Trump vote akapetu hna vote hi 2.7million hi delete asi tiah a chimmi ruangah lehnak an tuahmi asi.

Theihcio bangin tutan thimnak ah Joe Biden nih teinak ahmuh tiah thanhnak an tuahcio. Sihmanhsehlaw Donald Trump nih cun a cohlang kho rih lo. US thawngzamhnak hna nih Joe Biden cu teinak ahmumi asi tiah an ruah ko nain vote hi reltthan thluahmah liopi asi. Donald Trump nih state kip ah phungning in tazacuai timh rian an ttuan ve lio asi.

Fiang tein Election official hna nih an chimmi cu Department of Homeland SECURITY Unit siseh US Voting system ahim khawhnak dingah rian attuantu committee of the Cybersecurity and Infrastructure security Agency hna nih thanhnak an tuahmi cu theihlo mi le information hman lo tampi election pehtlaiin a um ko. Asinain kan ithimning kongah cun adik lomi zeihmanh aum lo.

Biahalnak tuah nan duh asi ahcun election officials hna sin ah thimnak abuaipi mi an si bantukin hal hna uh tiah fiang ko in an chim. Hi konghe pehtlaiin lutlai asimi Christopher Krebs nih atimi cu zaangfah tein voting machine kongkau ah lih le tehte um lo mi hi post ti hlah uh tiah a chim. Cun Trump Admins zong nih an ka phuah lai tihi ka zumh tiah a chim chih.

Assistant director Byan Ware zong ningani ah khan arian in achuak. Arian a chuahnak konghe pehtlaiin Reuters thawngzamhnak nih atar ning ahcun White House nih rian i dinh dingin an ti caah ai dinh hi asi tiah an langhter. Thimnak ah hodah president taktak cu asi lai timi tucu phungning tein thanhnak an tuah tik lawngah afiang te lai. Mipi tampi mit ahcun Joe Biden hi atling ko ti asi.

Be the first to comment

Leave a Reply

Your email address will not be published.


*