HLAWH TLINNAK AN HMU CANG EE, THAWNGPANG TTHATUK A CHUAK

Lainawng Min Aung Hliang le a kut taang ralkap pawl taza cuai ding, International Crime Court (ICC) timi vawleicung biaceihnak sangbik ah chuah pi ding timi cu ICC lei nih an cohlan cang tiah RFA nih a tarlangh. Hramhram in rampi uknak a chut tu Min Aung Hliang le a kut taang ralkap pawl nih ram mipi, tlangcung miphun le Rohingya cung ah an tuah mi nuhrin covo buarnak, thah nawnnak le cihmih nak kong he pehtlai in, International Crime Court (ICC) ah chuah pi ding timi cu ICC lei nih an cohlan cang.

Official tein cohlannak thawng an kan thanh cang tiah NUG Cozah nih August 20, 2021 ah an chim tiah RFA nih cun a tarlangh hi asi. Tutan taza cuainak cu a bik in, Rakhine ramkulh chung, Rohingya miphun cung ah nuhrin covo an buarnak, thahnawn nak le tlaihhrem nak, miphun cihmihnak an tuah mi kong ah a si i vawleicung biaceihnak ICC ah pohmah 12(3) ning in taza cuainak tuah a si.

Cu taza cuainak cu ICC lei nih kan cohlan tiah an kan theih ter cang tiah NUG Cozah nih an chim ti asi. Min Aung Hliang le a kut taang ralkap pawl sualnak, thah nawnnak an tuah mi kong taza cuainak cu July 17, 2021 ah khan official tein, thil kal phungning tein ICC ah phak ter a rak si cang. ICC lei nih cu taza cuainak zong an cohlan cang. Tutan ah a bik in ICC ah kan chim te ding mi cu a luancia caan i Rakhine ramkulh chung, Rohingya cung ah an tuah sermi pawl a si lai tiah NUG lei nih an langhter ti a si.

Min Aung Hlaing Archives - OrissaPOST

Cabia dang: AIPA Assembly Ah Ralhrangbu An Kai Termi Cungah ASEAN An Lungtling Lo August 22 in 25 tiang Brunai ram ah tuah ding mi a voi 42 nak ASEAN Inter-Perliamentary Assembly (AIPA) tonpumhnak ah ralhrangbu cu observer in kai nak nawl an pek hna i, CRPH an i tel ve lo nak cungah CRPH an lung a tling lo. AIPA hi ASEAN Parliament ah a sang bik mi parliament phu pakhat a si. I, AIPA rotation chairman Brunai Judiciary council chairman H.E. Pehin Dato Abdul Rahman Taib nih Kawlram aiawh ding min cazin theihternak cu parlianmentary culture phung ningin thawng an kan thanh lo tiah a ti.

CRPH nih hi tonpumhnak kai dingin CRPH chairman U Aung Kyi Nyunt, Daw Myat Thidar Tun le U Sithu Maung hna cu kai dingin min an pek mi a si.Atu bantukin CRPH sin ah thawngthanhnak an tuah lo mi kongah AIPA chairman thiltuah ning le ASEAN parliament cu democracy phungning he a kalh mi, mipi aiawh nak a um lo mi kalphung pakhat a si.

Cu hleiah AIPA chairman nih mipi thim a si lo mi le, mipi ai a awh lo mi ralhrangbu palai observer ah an pom mi cu democracy phung zah lo nak le ralchiatnak nak a si. Tuah sual, palh mi a um a si ahcun rianrang in silhnalh ding le Kawlram mipi aiawh tu hna sawm an timh a si ahcun meeting kai dingin timhcia kan si tiah CRPH nih a ti. TCP

Be the first to comment

Leave a Reply

Your email address will not be published.


*