GEORGIA STATE VOTE TAWLRELTU LUTLAI NINGZAK LE ZOHCHIA IN AUM CANG HIH

Trump caah zeihmanh pakhat hmanh a poinak a um rih lo. Georgia state vote an rel tthanmi result ah Biden nih teinak a hmuh tiah an langhter. Asinain a chung muru fiang tein langhter asi tthan cang. Georgia state vote an reltthan ah hin Republican inspector hna cu an zohter hna lo. Ahman maw hman lo timi zong an zohter hna lo.

Cuticun Biden nih teinak a hmuh tiah an timi a si. Atu Arizona le Georgia state ah vote reltthan asi ko nain vote a hman le hman lo, vote dik maw asi vote dik lo dah timi Audit an tuah lo, Cutikah vote cu ahlan bantukin Joe Biden nih teinak ahmuh tthiamtthiam. Vote audit asi lo caah Trump legal team hna nih vote cu audit tuah dingin biacaih zungah an chuahpi cuahmah lio asi.

Mah state governor hna le Democrats nih an ttihbik mi cu vote audit hi asi. Hi konghe pehtlaiin Eye Opener Channel nih alanghtermi cu Dominion Voting company hna nih hin Georgia state i election kongkau ah hruaitu lutlai asimi Brad Raffensperger cu 106 million in zik an nawh tiah report ah an langhter. Hi ruangah Georgia state nih Biden cu teinak an hmuhter i, Donald Trump atlin lonak dingah thil an tuah.

Vote reltthan zongah vote audit nak aum lo caah atuhi Donald Team hna nih court ah an kalpi nak hi asi. Nevada state ah vote an reltthan mi zongah Georgia state bantuk thiamthiam in Republican inspector hna cu pee hra hlatnak ah an umter hna, Vote an relning adik maw dik lo timi zong an hmu kho lo ti asi. Vote tingkhat le thong sawmli cu vote apetu theih asi lo timi zong an theih rih.

Cun vote thong 15 cu state dangin rak thlak mi asi. Hi vialte hi thatein an tuah ahcun Trump nih atei dingmi asi. Sihmansehlaw hi state election nawlngeitu hna cu Joe Biden adirpi mi lawngte an si caah court ah kalpi hrimhrim ahaumi thil asi. Cun Pensylvania state hi cu hlan zongah thimnak achuah paoh ah corruption a tam lengmang nak asi tiah Attorney Rudy Giuliani nih a chim.

Theih cio bangin hi state i, Pittsburg le Philadelphia khuapi lawng ah vote hmanlo 650,000 a um. Athi cangmi vote an thlakternak hmun zong asi. Cun post in rak thlakmi vote hi thongkul hna cu aluancang mi an si rih. Hi thil vialte lawng hmanh an tthen asi ahcun, Trump nih teinak ahmuh lai. Pensylvania state phung ahcun Ballot paper rel lio ah party pahnih aiawh hna nih vote hi zoh ve dingmi asi. Asinain anmah state phung le lam hmanh an zul ti lo i, Republican lei hna nih cu an tthawl hna. Credit: Dr. PC Biak Siam

Relchih:Donald Trump team pawl nih fiang ngaingai in an chim ve cang. Tuchun ah Donald Trump, legal team hruaitu hna cu Press Conference an ngei. Cu ah an chimmi cu zarhhnih chungah vote suaksammi vialte tehteh tampi kan hmuh cang i, biacaih zungah teinak hrimhrim kan hmuh ko lai tiah an chim. Zapi nih kan theih dingmi tutan ah an chimmi bantuk le thanhnak an tuahmi hi biadik taktak cu a si.

Thawngzamhtu hna nih an langhter mi zongah zeibantuk dah a dikmi asi i, zeibantuk dah zumh atlak lomi asi timi zong hi fian ahau, Mainstream media nih an langhtermi le an thanhmi chungah zakhat ah sawmkua hrawng hi cu rinh a tlak lomi deuh an si hna. Tutan thimnak kongah hin mu, Hi bantuk thimnak result hi thilhar taktak mi asi i, biadik theih hrimhrim ahartuk ti asi.

Theihcio bangin November nithum thimnak an tuah tiangah cun Trump nih teinak a hmuh rih, Asinain vote aluh thluahmah tikah Donald Trump cu Biden nih atei thluahmah i, vote umtuning vialte ai thleng dih. Cuthil acan tikah Donald Trump legal team hna nih biacaihzung ah phisin ding le tawlrel dingin an timh hna. Hi konghi US phunghram ah fiangtein a ummi asi.

Vote hi thimnak tuahni November nithum zan suimilam pariat kha deadline cu asi i, kha hnu ah vote tamtuk chap asi tiah Trump legal Team hna nih an chim. Cun phungkalh in vote tampi hna rel asi caah, November nithum zan suimilam pariat hnu ah alutmi vialte hna cu relti lo dingmi asi i, san atlai tilomi vote ah ruah ding tiah an ti. Hi kongah tehte zong tampi rinh atlakmi a um tiah an ti rih.

Biacaih zung nih phungning tein khuakhan lairelnak or biachahnak an tuah asi ahcun Joe Biden cu teinak a hmu lai lo. Asinain Supreme Court ah khuaruahhar ngaingai mi thil pakhat a um, Cucu Chief Justice John Roberts hi asi. Phunghram nih fiangtein a chimmi zong arak i theihter lo ti asi. Trump zong hi a kham hrimhrim ko lai tiah ruahnak a um. Aruang cu Obama chan ah politic konghe pehtlaiin a fiang bak mi zong arak i theihter lo.

Conservative hi tam deuh an si ko nain Chief Justice hrimhrim nih thil atuahning zoh tikah tutan hi zeidah a cang lai timi zong tuak ngaingai ahau ti asi. Donald Trump hrimhrim an huat caah phung le lam zong an theih tawn lomi hi Trump caah thinphang ngaingai mi pakhat cu asi, Asinain Donald Trump hi mi sawhsawh asi lo caah thildik lo cu an tuahpiak lo men lai.

Acunglei vun langhtermi hi court lei ah rianttuan an timhning chungah a tlangpi huap in a si. Adang tampi a um rih. Langhter cang bangin thawngzamhnak ngan deuh hna nih hin tuchun nitiang Donald Trump thatnak le a dirhmun athatnak hi an langhternak hmuh asi rih lo i, Joe Biden thatnak lawngte deuh an langhter. Cucaah tthenkhat nih cun an zum hna lo i, biadik taktak cu ahnu ah a fiangte ko lai tiah an zumh cio.

Be the first to comment

Leave a Reply

Your email address will not be published.


*