DR. SASA Thawngin S. Korea Nih Kawlram Ca’h Thil Tha Tuk Akan Tuahpiak Cang Lai.

Kan theih bantuk in Dr. Sasa cu South Korea KBS Channel nih tulio Kawlram dirhmun kong he pehtlai in Interview an tuah. Cu ahcun Kawlram kan dirhmun, Ralkap tihnung an sinak, Mipi kan temhtuarnak le thah kan tonnak kong vialte fiangtein a chim dih lawng si loin South Korea Cozah nih biatak tein nan kan dirpi a herhtimi zong a chim chih.

Dr. Sasa le South Korea Media KBS Interview an i tuah hnu ah South Korea Cozah pi nih Kawlram mipi venhimnak caah thawngpang tha taktak athanh colh ve. BBC nih a tarlangh ning ahcun “Kawlram minung South Korea ah a um mi paoh cu an Visa a dih cang zong ah zalong tein South Korea nih kan zohkhenh hna lai,kan ram ah kan um ter hna lai timi Order a chuah” ti asi.

Two Protestors Shot Dead By Police In Myanmar

Hi thawngthanhnak, theihternak hi March 12, 2021 ah South Korea Cozah nih a mipile vawleipi theih in a tarlangh mi asi. An langhter ning ahcun “Tulio Kawlram buainak ruang ah Korea ah a um mi Myanmar minung hna nih Visa extension tuah nak lei harsatnak an ton i an Visa a dih cang zong ah South Korea Cozah nih umnak nawl kanpek rih hna lai, Visa expired cang hnu zong ah an nunnak himnak ding caah tiah South Korea ram um an duh rih ahcun zalong tein umnak nawl pek an si” tiah BBC nih cun a
tarlangh.

Cu chung ahcun South Korea Cozah nih Kawl ralkap he pehtlai in Ralkap lei thilri i pekchanh nak, i cawkzuar nak vialte phih ding in a tawlrel rih lai, Chawleh thaalnak thilri lei License rengh ding, Myanmar mipi hna an himnak ding, an cawlcanghnak ding ah a herh ning in bomhnak tawlrelnak lam kawl ding in timhtuahnak a ngei fawn ti a si.

 

Be the first to comment

Leave a Reply

Your email address will not be published.


*