DONALD TRUMP NAUPA ROBERT TRUMP RUAK FAKTUK IN AN TTHUAT

Donald Trump naupa Robert Trump a thihning kong thawngzamhtu hna nih an tining cu afak ko. Minung hi ahopaoh an thih hnu ahcun an thatnak konglawng te chimphuan le zamh asi tawn. Nain Trump naupa cungah an timi cu lungfak ngaingai asi. Theihcio bangin Trump naupa Robert cu a nunnak aliam.

Donald Trump te ngaihchia lungfak in an um cuahmah lio ah faktuk an phomh hna. Trump huatu hna nih an timi cu Donald Trump pei a thih deuh ding asi cu, amah a thi lo hi cu apoituk ee tiah biafakfak in an chim. An ti tthan mi cu Pathian sin ah kan hal lomi tu lakpiak kan si i, thla kan cam tthan tikah cun amin dihlak in kan hal cang lai tiah an ti rih.

Hi konghe pehtlaiin dohdaltu Journalist tthen nih an timi cu Donald Trump nih hin Thihnak vancungmi hi zeizatdah aziknawh hna i, Trump ahman lomi tu an rak lak ti tiangin Bio data ah an ttial. Culawng siloin an ttial rihmi cu Donald Trump naupa mah le unau fa zong tazacuai aduh Robert Trump cu kum 71 asi in a nunnak aliam tiah an thanh.

Asinain The Washington Post nih ISIS lutlai Abu Bakr al-Bagdhadi a thih lio ah khan an rak ttialmi cu Biaknak lei ah thiamsang le aa pumpe mi Abu Bakr al Baghdadi cu kum 48 asi in a thi tiah dawhtuk in an ttial. Ralhrang asi timi zong an ttial duh lo. Robert Trump hi Donald Trump he aa daw taktak mi an si.

Naite ah khan a thi cangmi Donald Trump u fanu Mary Trump nih cauk hmangin Donald Trump thangchiat atimh. Cu cauk cu chuahter a duh lo caah Robert Trump nih taza arak cuaimi asi. The Washington Post nih an huatnak cu mah ruangah hin asi tiah an chim. Robert Trump hi Presbyterian Weill Cornell Medical Sizung ah a um lio ah Trump nih a vavehvat. Cu tlawmpal ah a nunnak aliam.

Be the first to comment

Leave a Reply

Your email address will not be published.


*