BUAINAK RUANGAH AN I PHOMH NING A ZUALHMA TUK CANG TRUMP LE BIDEN

US President Donald Trump le Joe Biden cu nizan ti awk ah a chuakmi buainak kongah pakhat le pakhat nangmah ruangah asi tiah an i puh veve cang. Portland, Oregon buainak ruangah kuttlaknak tiang a chuak mi ah atu bantukin Trump le Joe Biden an i puhnak hi a si. Hi konghe pehtlaiin Donald Trump nih atimi cu Portland Democrats Mayor Ted Wheeler cu na khuapi ah thihnak le chiatnak achuah hi attha bak na ti hi fak ngaiin a soisel.

Hi lio caan ah Joe Biden nih a ti vemi cu President Donald Trump nangmah tu hi thaazaang chuah buainak ah a poilo a timi cu na si tiah a tthuat. Naite ah khan Portland ah pro-Trump rally le BLM hna karlak ah buainak a chuak i, cu buainak ahcun minung pakhat a nunnak aliam. a thihnak hi meithal kahnak in a si tiah an chim.

Hi konghe pehtlaiin Mayor Wheeler nih a timi cu Social media kip tlangzarh ruangah lehrul cham timh i, Portland khuapi ah nan rak luhnak hnga lo kan nawl hna tiah alanghter colh. Lehrul cham dingin Portland ah a rak ra mi vialte hna cu rianrang in izukphiak dih cang uh tiah alanghter tthan rih. Trump nangmah tuhi i huatnak le i tthenhmalnak achuahpitu na si tiah lehnak zong atuah chih.

Apeh rihmi cu President Donald Trump nih hin aa kan dirpi lo asi ahcun i zukphiak sehlaw ka lawm deuh ko hnga tiah a tthuat rih. Asinain tthenkhat nih lehnak an tuah ve rih mi cu nangmah Mayor hi na rian in chuak deuh, buainak a chuak mi zong na deihter kho lo tiah an tthuat chih ve tthan.

Hi Mayor konghe pehtlaiin tuan deuh zongah Donald Trump nih atimi cu Portland nih hin Mayor mihruk an i hunh chung paoh cu apangai in thil a um kho lai lo tiah a rak ti bal cang. Cucaah hi khuapi ahhin ralkap luhter hna ah attha ko lai tiah a rak ti cangmi asi. Hi konghe pehtlaiin Joe Biden nih Donald Trump cu lehnak atuah ve rih.

Trump nih hin Law or Order kong a langhtermi ahhin tthawn ah ai ruah men hnga. Asinain amah adirkamh mi hna buainak ah zeihmanh a deihter kholo mi nih hin a thawn lonak tu alanghter deuh tiah a ti.Law and Order hi Trump nih atlangtar a si i, democrats le Joe biden cu sualnak konghe pehtlaiin a lungnemtuk mi an si tiah Trump nih ati ve hoi.

Tuan deuh zong ah US Homeland Security Secretary Chad Wold zong nih Portland i, Democrats pawl hna hi phunglam a um lomi siseh buainak chuah zong attha ko tiah a ruatmi an si. Buainak phisin dingah hin rianttuanning tampi a um ko eh tiah arak ti ve. Trump hruainak tangah thazaang chuah buainak hi a cangmi asi i, US hruaitu cu buainak achuahtertu asi tiah Democrats nih an tthuat ve ttha.

Be the first to comment

Leave a Reply

Your email address will not be published.


*