ASUALNAK VIALTE DONALD TRUMP NIH A NGEIHTHIAM CANG

FBI sin ah lih a chim ruangah sualphawt a simi National Security Adviser tthing Michael Flynn cu Donald Trump nih angeihthiam cang. Michael Flynn cu President Donald Trump nih aliamcia US thimnak ah Russia aithlak maw thlak lo timi kongah Justice Department hna nih dottletnak an tuahmi ah sual rak phawtmi asi i, Kum 2017 ah Russia Enovy Contract kongah FBI hna cu lih a chimh hna ti asi.

Hi konghe pehtlaiin White House nih an timi cu President nih a ngeihthiam caah sualnak angei lomi hna cu adohkalh ti hna lai lo tiah an chim pin ah Michael Flynn hi Partisan Government official hna kum 2016 thimnak ningcangloin tuah atim timi ruangah atuartu asi tiah an langhter ve. Zalonnak pek asi hnu ah Michael Flynn nih atanglei bantukin Bible ca cang alanghter.

Jeremiah 1:19 annih nih nangmah cu an intuk lai,Sihmanhsehlaw na sinah ka um i kan huhphenh lai caah an in tei lai lo tiah Bawipa nih a ti tiah alanghter. Kum 2016 Thimnak ah Russia le Trump pehtlaihnak an ngei timi cu Justice Department hna nih kumkhat le thlahra dottletnak an tuah hnu ah pehtlaihnak zeihmanh aum lo tiah biachahnak an rak tuah.

Tutan ah Donald Trump nih angeihthiam mi Michael Flynn cu US Army three-star lieutenant general asi i, kum 2016 campaign lio ah Democrat asi ko nain Donald Trump adirkamh taktak mi asi. Cun amah hi Donald Trump he caan zeimawzat zong rian attuantti manh mi asi. National Security adviser ah Trump nih arak thim i Ni 23 lawng attuan ah chuahtthan asi.

Aruang cu Moscow ambassador he tonnak an ngeih nak kongah siseh Vice president biadik lo a chimh ruangah Trump nih arak chuah tthan. Ngeihthiamnak konghe pehtlaiin Donald Trump hi US President vialte lak ah minung tlawmbik angaithiam mi asi tiah PRC nih alanghter. Obama nih khan minung 212 arak ngeih thiam hna i, minung 1715 dantatnak tuahmi a tthumhpiak hna ti asi.

Be the first to comment

Leave a Reply

Your email address will not be published.


*