ANUAM HIH, MIKE POMPEO NIH FIANG CIKCEK IN APHUAN CANG

Mike Pompeo biachim cu khuaruahhar taktak asi ko cang, Donald Trump a sunghmi acohlang kho hrimhrim lo. Atimi cu Donald Trump hi a term hnihnak apeh ko lai tiah fiangpup in a phuan cang. US thimnak cu kan theihcio bangin abuai taktak khi asi ko cang. Tutan thimnak ah Joe Biden le Kamala Harris cu teinak a hmumi an si tiah media kip nih an langhter cang hna.

Sihmanhsehlaw Donald Trump nih ka sung timi hi a cohlang kho hrimhrim lo i, White House chuahtak aitim bak rih ve lo. Hi konghe pehtlaiin US secretary of State Mike Pompeo nih ati vemi cu thimnak hi ningcang lo taktak in vote thlak asi tiah a chim. Cun Democrat presidential Candidate Joe Biden nih hin fawite cun WHite House alut lai lo tiah a chim.

Cun apeh rih tthan mi cu Donald Trump nih hin a term hnihnak uk pennak cu akalpi tthan ko lai tiah fiangpup in a chim. State Department’s headquaters ah biachimnak angei. Cu ah a thawngzamhtu pawl nih biahalnak an tuah. Halnak an tuahmi cu Joe Biden tlinnak hi telpi dingin timhtuahnak hna nan ngei cang maw tiah biahalnak an tuah.

Lehnak atuahmi hna cu a voihnihnak caah Donald Trump hi khuakhang laireltu asi lai i, amah nih apehzulh ko lai tiah zeipoi lo le nihbu salam in lehnak atuah hna. Nizan zanlei lila ah hi konghe pehtlaiin Fox News special Report ah Bret Baier nih biahalnak atuah tthan na chimmi hi na lungtak asi mi maw capo sawhsawh in dah na chimmi asi tiah ahal tthan.

Lehnak atuah tthan mi cu tutan zong ah hin khuakhan lairelnak cu apehzulh ko lai tiah a chim. American mipi hna nih zeibantuk in dah biachahnak an tuah timi le zeitindah vote an thlak timi taktak cu a rauh hlan ah biafiang an hmuh ko lai tiah lehnak atuah tthan hna. Nirukni thok in Biden cu teinak ahmumi asi tiah thawngzamhnak kip nih langhter asi.

Culio caah ah Donald Trump nih Biden teinak hi acohlang kho lo. Sihmanhsehlaw Biden le anau le hna nih cun nawlngeihnak i chanh ding konglam an buai cang i, cozah zong phungning tein thiltuah dingin an i chimhruahnak an ngei cuahmah ti asi. Thimnak vote konghe pehtlaiin Mike Pompeo cu fiang ngaingai in thawngzamhtu pawl nih biahalnak an tuah tthan rih.

An timi cu Donald Trump siseh amah a dirkamhtu hna nih vote an thlak mi kongah hlen thawinak aum tiah an chimmi hi zeitindah na ruah, na pompi ve maw tiah halnak an tuah. Alehmi hna cu hihi ka cohlanmi asi ko, asinain direct in cun zeihmanh chim khawh asi rih lo. Vote ahmanmi taktak lawnghi relding asi i, phunglam lengin vote aum mi cu san atlai lo , teinak ahmu hrimhrim lai tiah a chim.

Be the first to comment

Leave a Reply

Your email address will not be published.


*