AN CELH TI LO, RALHRANG KAWLRALKAP LILA NIH THANH NAK AN TUAH

Kawlram mipi dihlak caah raltha taktak in ralkap a dohtu, UN palai a simi U Kyaw Moe Htun kong ah Ralkap Council an celh ti lo. US Cozah sin ah cakuat an tial tiah an mah Ralkap lila nih thawngthanhnak an tuah. U Kyaw Moe Htun cu Rampi hruaitu a simi Ralkap Council dohdalh in a cawlcang, Ralkap a rawitu a si, cu caah a sualnak bantuk in biaceih le Dantatnak pek ding in US Cozah sin ah cakuat kan tial tiah Ralkap Council nih thawngthanh nak an tuah nak ahcun an langhter.

U Kyaw Moe Htun cu UN ah Kawlram aiawh in Parmanant Palai a sinak kan cohlang lo. Ralkap Council nih phungning tein kan thlah mi a si ti lo. Cun Ralkap Council hruainak taang ah a sualnak biaceih ding a si cang. Cu caah US Cozah nih nan ram ah a um lio mi U Kyaw Moe Htun cu kan kut ah rak phak ter uh” tiah Ralkap Council nih US Cozah, Ramleng pehtlaihnak sin ah theihternak an tuah hi asi.

U Kyaw Moe Htun cu Kawlram aiawh in UN ah Parmanant Representative in a um mi asi. A si nain ralkap nih rampi uknak an lak hnu in, mipi lei ah a dir i UN mipi hmai ah Kawl ralkap that lonak, cohhlan awk an that lonak fak ngai in a chim. Cun nihin tiang zong ah ralkap Council a tlak khawhnak ding ah heh tiah a cawlcang mi asi.UN zong nih nihin tiang ah Kawlram aiawh palai ah an cohlan mi asi.

Myanmar's UN envoy Kyaw Moe Tun is still rightful occupant of seat, US and  United Nations say | South China Morning Post

Thawngpang dang: Min Aung Hlaing tutan a biachim cu a piangthar rua ti awk in a um. Tutan a biachim cu a hman ngaingai. Oxygen he pehtlai in ningcang loin a miak lak lo dingin Min Aung Hlaing nih thanhnak atuah. A tu lioah Kawlram chung oxygen tlamtling tein kan ngeih ko I micheu nih a ningcang loin a miak lak len ding in an tuah tiah Min Aung Hlaing nih a chim. Micheu nih cun oxygen dur pawl cu an herh lo zongah a ningcang loin an cawk I mipi sin ah oxygen a um ti lo tiin thawng pang an thanh.

Mipi an thinphang hna seh tiah mah bantuk in thihpheihnak an tuah mi pawl cu I zumh lo ding in SAC hruaitu Min Aung Hlaing nih ralrin a pek hna tiah tuni July ni 13 chuak Myanmar Alin thawngzamhnak nih a langhter. A herh lo tiang in mipi hna nih thinphan lo dingin le thawngpang hman lo hna cu thanh lo ding tiah a chim chih tiah an langhter chih.

Covid nih tlak tik zong ah inn ah mah tein I thlop loin Covid a check tu hna sin ah kal hnu ah an mah nih siizung kai a hauh le hauh lo an I chimh ko hna lai tiah a chim chih. Ralkap lei nih rian pek mi ngandamnak lei vuanci zung nih cun a herh lo ah mipi nih oxygen dur pawl cu I cawkcia I, inn ah chiah lo ding le siibawi nih ruahnak pek ning lawng in oxygen cu hman ding in thawng an thanh.

Be the first to comment

Leave a Reply

Your email address will not be published.


*