AA SUM KHO TILO, DONALD TRUMP NIH A PHUAN RUANGMANG CANG

Donald Trump. New York Cu Covid Rai Khamnak Sii Ka Pe Lai Lo. Tu chun kha Trump nih Election dih hnu i Ah a voikhatnak bik Press Conference a tuah i Covid19 kong tam nawn a chim. Coronavirus khamsii hi keimah lo a dang hohmanh nih mah tluk rang in a ser kho lai lo tiah hman khawh nakding ah 10% hrawng lawng aa duh cangmi Pfizer le German BioNTech sermi sii kong ah Credit​ aa lak.

USA ramthen vialte kan pek dih hna lai nain New York belte hi an Governor Cuomo nih raikhamsii a zumhraih tak lo ahcun kan pe hna lai lo, tiah a chim chih. Governor Andrew M. Cuomo hi Democratic a si i Trump nih a ralaimi thla hnih chung ah Covid raikhamsii a tawlrel ahcun politics a tuahnak lai ti a phan kong a chim caah Trump nih mah ti a lehmi cu a si.

Rai khamsii hi EU zong nih an cah ve caah USA ah a zatawk a um rih lo i Trump nih amah tanhtu Republican States pawl lawng a pek hnmasa sual hna lai ti a phang. Mah Press Conference ah cun Election kong kaa khat hmanh a chim duh lo. Asinain USA hi Lockdown ka tuah lai lo, kan tuah ahcun minung nunnak a liam kho. Mi zeidah cozah tlai lai timi cu caan nih a chim te lai, tiah Trump nih a chim.

Van Tum: Laimi Fimcawnnak Kan Upat Lo Hi Pathian Zeirello He Aa Khat.(USA), Theologian Vawlei cung ram le minung vialte lakah 100/95 tluk nih fimcawnnak (education) cu an duh bik i tha an pek dih. An chawva le an caan le an thluak vialte an pek dih. Pek an sian fawn. Fimcawnnak cu an upat i fimcawnnak in theihmi, hngalhmi le chimmi zong an ngaih i an zulh fawn.

Asinan a poi taktakmi cu Laimi a tamdeuh cu fimcawnnak kan upat lo, zei ah kan rel lo. Laimi hi Fimcawnnak caah chawva hman zong kan duh lo. Mah ruangah vawlei cung ram vialte lakah a sifak ram ah a telmi Kawlram chungah sifak bik miphun kan si i santlai lobik le tlangcung kan miphun hawi zong nih zeiah rel lobik mi miphun ah kan i chuah.

Din lonak, eihmuarnak le ziknawhnak a tuahbikmi miphun kan si fawn.
Mahte hna zong hi tuak tikah Pathian zei i kan rel lo bantuk he a khat. Aruang cu Wisdom Literature kan cawn tikah fimcawnnak le Bible chung fimnak timi khi a pehtlai. A poi taktakmi cu Laimi cu fimcawnnak a ngeimi biachimmi nak in tang 4/5 awnglo pawl bia kan ngaih duhdeuh mi le kan i upat deuhmi hna a si.

Laimi caah cun tang 4/5 awng lo pawl theihmi le hngalhmi khi a fimdeuh, a tthadeuh le a tlingdeuh le a theideuh in kan ruahmi hi kan hruhnak pakhat a langhnak a si. Tang 4/5 awnglo kha kan caah cun ca zong a rel deuhmi le a fimdeuh in kan ruahmi hna hi tthanchonak a kan dawntu bik pakhat zong a si fawn.

Mah bantuk pawl bia kan ngaih peng ahcun mitcaw le mitcaw lam an i hruai i horkuang le lungpang i an tlak bantuk khi nan lo ko lai. Laimi caah cun fimcawnnak (education) san a tlai lo. Cucaah cun nan fa le zong kha sianginn kaiter duh hna hlah u. Phaisa lam a pam hmaimen. Miphun dang mifim mithiam pawl bawmhnak hi bawh i hngah peng ding a si ko. Fimcawnnak a domi le zei i a rel lomi cu Pathian zei i na rello bantuk a si.

Wisdom Literature timi (fimnak cauk) chungah a tel dih ko. Job cauk, Phungthlukbia, Salm cauk tal khi va relte, a dang cauk pahnih na rel huam lo hmanh ah. Fimcawnnak zei i a rel lomi cu mihrut ti an si Khrihfa ttha zong an si kho ballo i fapa tlau bantuk men an si ko i tthanchonak zong an ta a si bal lo.

Mihrut hmanh dai tein a um ahcun mifim ah ruah a si tawn tiah Bible nih a ti bang fimdeuh na duh ahcun dai tein um law Pathian nih an zaangfah deuh lai. Laimi kan poinak cu kan hruhnak hi fawh mi hmai ah phozaar kan hman tawn cu. Fimcawnnak le fimnak a duhmi, a upatmi miphun le ram poah cu an tthangcho deuh ko. Credit: Teirial Cattialtu.

Be the first to comment

Leave a Reply

Your email address will not be published.


*