A VOIHNIHNAK BAWMHNAK KONG ANAI CUAHMAH CANG

Second Stimulus Check:Coronavirus ruangah harnak tongmi le thlahlawh tlawm deuhmi vialte cu US cozah nih Minung pakhat ah $1200 cio le ngakchia kum 19 tang paoh $500 cio pek a rak si. Avoi 2nak bawmhnak kong cu hmaizarh nikhat ni thawk in senate ah ceih hram an thawk cang lai.

White House nih a chuahpi mi le Democrats pawl nih an chuahpi mi Ceihhmainak an ngei lai. White House le Democrats nih bawmhnak pek an duh. Republican Party chungah US rampi leiba tam tuk ngeih a duh lomi cheukhat nih pek a duh lomi an um. Unemployment benefit pek an si cang caah a herh ah an ruat ti lo.

Small business a thi dingmi pawl tu hi chanhchuah in rian ngei lomi riantuan ter an duh deuh. Bawmhnak hi a tlangpi in um dawh a si. Asinain zeizet bawmh ding timi le Zeitin kan bawmh hna lai timi ah an buai deuh te lai.

Chicago Ah BLM Pawl An Buai: Chicago khualai Grand Park ah an phunmi Christopher Columbus Milem cu Cacawn ni nga ni ahkhan minak pawl a ttanhmi, black live matter pawl nih hrawh an timh caah palek pawl he faak ngai in an iphomh caah palek minung 18 le BLM minung 12 an ihliam. BLM pawl nih palek pawl cu phaisa bawmhnak pek ti lo dingah an au hnawh hna. BLM pawl nih hin US ram dirhtu hna, Hlan lio President hlun pawl, US a phan hmasa mi Christopher Columbus le Bawi Jesuh cu an huat ngaingai hna.

Joe Biden Bawmtu Nu Nih Palek Soisel Hna:Democrats in President a cuhmi Joe Biden election campaign ah riantuan mi Sarah Pearl nih palek pawl cu vok nak in an hrut deuh, vok cu duh an nung, an lung sau I vok an fim deuh tiah Twitter ah a tial caah faak tuk in an soisel caah a tialmi a phiat than. A tialmi cu “pigs are sweet, intelligent and compassionate,” and cops are “monsters” who “don’t deserve to be called pigs,” tiah a tial.

Pentagon Niih Tuluk Ralvennak An Tuah:Coronavirus ruangah Tuluk le US cozah cu faak ngai in an irengh lio caan a si caah US ralkap vialte an control nak Pentagon headquarter zungpi I detect electromagnetic sensor vialte an dir lonak caah ralrinnak an pek hna Japan nih “Pearl Harbor cu ruah phak loin a tuk bal caah Tuluk nih Mah tactic cu an hman ve sual lai ti hi US ralkap nih an phanmi a si. US I The Defense Threat Reduction Agency nih Tuluk nih Mah tactic a hman khawh tiah Pentagon cu ralrinnak an pek hna hnu ah Pentagon cu rakring tein an um cang.Credit: Salai Lairamthang