NIZAN THIL CANG AN THANHMI CU LUNGRAWK TAKTAK ASI KO

Tulio zawtnak ttihnung pakhat a simi Coronavirus zawtnak cu South Africa le US cun Mexico ah tuanbiathar a chuak tthan. Nikhat chungah mizaw an tambik lio caan an phan cang hna. Tutan record an tuahmi hi a liamcia caan ah a um ballomi record asi i, Nikhat chungah mizaw an karhning hi atituk ngamsam cang. Atanglei hna hi thilsining cu an si.

Nizan tiangah coronavirus zawtnak angeimi hi vawlei cungah minung ting zakhat, tingkul le tingli, thongsawmkua, zanga sawmruk pasarih ( 1,24,09,567 ) an phan cang. Cun hi zawtnak in a nunnak aliammi hi vawlei cungah minung ting sawmnga le tingnga, thongsarih zariat sawmli pasarih (5,57,847 ) an si cang tiah an langhter.

Nikhat chungah zawtnak tambik record an tuahmi cu US le Mexico cun South Africa hna an si. Nizan lawngah South Africa ah zawtnak thar angeimi minung thong hleithum le zaruk sawmsarih pasarih an si. Zawtnak angei mi dih lak hi minung tihnih le thong sawmthum thongriat, zathum sawmthum pakua (2,38,339) an si cang.

Coronavirus (Covid-19) Cases Tracker Today Latest Update: Corona ...

Cun nizan lawngah Mexico ah zawtnak thar angeimi hi minung thong sarih le zahnih sawmriat an si. hihi Mexico ramchungah zawtnak thar angeimi minung an tambik lio caan asi. Zawtnak angeimi vialte hna hi an dih lak in minung tinghnih le thong sawmriat le thonghnih, zahnih sawmriat pathum (2,82,283) an si cang.

Zawtnak tambik ram a simi US zong Nizan ah khan zawtnak thar angemi an tambik lio caan aphan. Nizan ah zawtnak thar angeimi hi minung thongsawmruk le thongnga, zanga le sawmnga khat (65,551) an si. Hihi atu tiangah zawtnak thar an ngeih tambik lio caan asi. Zawtnak angei mi dihlak hi minung ting sawmthum le tinghnih, thongkul le zanga ( 32,20,500) an si cang. US ah zawtnak in a thimi hi minung tingkhat le thong sawmthum le thongnga, zariat le kulriat ( 1,35,828 ) an si cang tiah an langhter.