Thihdar Thau Khua Simi Rev Peter Cung Cem Nih Mual A Kan Liam Tak

Chinmi nih kan ibochan ngaimi kan pakhat a simi Rev. Peter Cung Cem cu caan saupi dam loin a um hnu ah tuni ah mual a kan liam taak tiah thawng kan theih. Amah hi a luancia kum 2019 ah dam lonak in sizung ah caan saupi aa thlopbulmi a si.

Tutan zong naite ah dam lonak in a hung um ṭhan i atu bantukin mual a kan liam taak hi a si. Tantaakm chungkhar Bawipa nih hnem hram ko hna seh. Amah hi Kalaymyo ah khuasa mi an si i Immanuel Khrihfabu ah Pastor rianṭuan liomi a si tiah kan theih fawn.

A thihnak kong he pehtlai in Pu Lian Iap nih hitihin a taar, “Thau khua , Kalaymyo um mi Rev.Peter Cung Cem, kum 68 cu Can sau ngai dam lo in a um nak in December 7,2020(3:50 pm) ah mual a kan liam tak cang. Tantakmi chungkhar an ngaihchiatnak Pathian nih hnem hram ko hna seh,” tiah a taar ve.

A fanu Esther Van Lal Hnem nih a ngaihchaitnak hitihin a langhter ve, “Ka pa aw poi tuk e.na kan liam tak a tuan tuk e ka pa aw kan celh lo tuk e ka pa aw.kan dawt tuk kan in siang lo tuk e ka pa aw,” tiah a ngaihchiatnak cu a langhter ve.

thawng pang dang relchap

Thimnak kong ah Chin ramkulh ah report pahnih a um. Kum 2020 Kawlram thimnak kong ah Chin ramkulh ah report pahnih a um tiah theih a si.Mahhi report pahnih cu Tedim ah pakhat le Thantlang ah pakhat tiin pahnih a um.

Report a umnak a ruang hi mee pek ning i thennawnnak ruang ah a si tiah Thantlang peng Election committee upa pakhat nih a chim.Thantlang peng election committee upa pakhat nih a chimnak ahcun ” kannih khua te lei hi internet line a tha lo,

TV line zong a that lo ruang ah mee pek ningcang i cawnpiaknak a tlawm tuk ruangah theih hngalhnak chambau ruang ah a si ko lai tiah ka ruah.Sinain theihthiamnak um loin report a um caah hin thinlung cu a tha lo ngai lo tiah a chim.Kawram chung zong ah thimnak kong he pehtlai in party tampi nih UEC sinah report nak ca tampi an pek tiah theih a si.

Be the first to comment

Leave a Reply

Your email address will not be published.


*