Rel Hrim Hrim Asen Kan Tanhnak A Muru Hi Taktak Cu Mah Hi Si

A Ruh tum hlah a Hang na hap sual laiRalkap nih Hlutdaw ah 25% thut nak an laak cia cang. Ram mipi nih 75% Hlutdaw thut dan khi kan I cuh mi cu a si lai.Mirang ca in news an tial zong ah Hlutdaw tiah an tial caah Hlutdaw tiah ka vun hman ve)Khi 75% Hlutdaw thut nak I cuh tik ah Ralkap pawl cu vote an pe kho thiam thiam rih lai ti si. ( Ralkap si cu a miak bak ko hi mu)

Cu leng ah, state kip ah mah le miphun party cio dir ve u law, u cuh ve ngat u tiah an forh hoi hna. An mah kawlrawn um party 38 hrawng nih khin an vai cuh chap rih lai. ( Ralkap Bawizik a va tong mi pawl kha)Kum 30 leng Ralkap cozah a do I, Kan ram ah Democracy tlamtling kan hmuh khawh nak hnga aa zuam cuah mah mi NLD caah hin cun a fawi lo taktak khi si ko.

Ziah tiah cun 75% lawng khi cuh nak nawl mipi nih kan ngei. Mah khikhi chung ah khin NLD nih hin 51% a tei khawh lawng ah cozah a ser khawh lai.75% Chung in ralkap vote, party dangdang vote pawl, cun Tlangcung mi nih kan mah le miphun party cio vote ding he cun, ai zuuk ding khi a tam tuk. 51% tlinh a fawi lo taktak ding khi si.

Chin state ah khua a sa lo mi khua dang dang ah a um cang mi kan mah Chin pawl ca le bang ah cun lung a nuam kho lo taktak.NLD cozah an kai hlan ah khan cun Miphun thlei Dan nak a tam tuk. Biak nak ruang ah nehsawh a tam tuk. Zei bantuk rian kan tuan nak hmanh ah thleidan nak kan tong pah leng mang. Pathian kan Biak le kan I pumh hmanh ah a lam phun phun in an kan rengh.

Ma-Ba-Ta an ti mi Extreme phuntanh pawl hoi hna nih an kan fuh sual lai maw? Suan-Aa-Shin an ti mi an zuat mi, misual phu hoi hna nih an kan phomh colh sual hnga maw.Khual tlung neih ah Sang zung ah report lo citcet ah cun an sang hmanh in an kan thawl hnik colh.Cozah rian maw, company rian maw zeidang dang rian sawk hmanh ah thleidan a um pah peng.

Kan him lo tuk. Kan him lo taktak. Lau pah peng si ko.NLD cozah a vun kai hnu 2015-16 hrawng khan cun kan thawpi a chuak. Kan za Len ngai I, Biak nak ruang ah maw Chin mi kan si ruang ah maw har nak hnahnawh nak a um tuk ti lo tluk khi si cang.Yangon hrawng um mi ko nih khin kan ton khun cuh. Mipi nih ASSK a vun kai hnu cu Democracy ram pei kan si cang cu, VP hmanh Khrihfa a si. Hlutdaw Chairman zong khrihfa an si cang ti khi an theih tuk. Khrihfa hi kan ram ah right an ngei ve ti khi an theih colh ve ca zong si kho men. Har nak pipa kan tong tuk ti lo.

ASSK cu, vote tambik a vun hmuh i, tei nak a hmuh bak in Khrihfa VP le Hlutdaw Chairman zong pek colh. ( VP kan hmuh ka hoihna kha cu, lukolh pawl hmanh nih duh lo nak an langh ter Len kha mu). ASSK le NLD pawl vialte nih zei ah an rel piak hna lo I, an I cei ko.Chin, Ayawaddy, Karen, Kachin, Tanintary CM vialte Khrihfa a pek dih hna.ASSK lo in kawlram ah mah tluk in Khrihfa a kan cawi sang ngam tu ho dah um bal?? Hmailei zong ah amah bantuk miraltha an chuak kho te hnga ma??

Kawl e cu e kan ti lengmang. Shan, Karen, Rakhaine, Mon ram ah na um bal ma?? An sin le an kut tang ah rian nan tuan bal ma?? An mi thleidan Dan le an mi neek khi a ngan taktak dakaw. Kawl an tha ka ti nak si lo. Tlangcung mi zong hi, kan tha dih hlei lo ka ti nak si. 2008 phunghram pi remh khawh hlan ah hin cun Ram mipi nih NLD le ASSK hi dirpi rih ko hna u sih ti ka duh ko. Mah te UK nak maw kan ram cu kan mah te in kan I UK lai ti bantuk cu Fiction sawsawh a si rih.

Ralkap nih an ser mi 2008 phunghram nih a sianh lo hrimhrim. A si kho lo mi in kan mipi hlen kan timh hna. Kan hlen cuah mah lio hna si.Kawlram pi huap in politic zoh chih a hau. Central ah cozah ser tu ding hi, Democracy le Khrihfa mi kan caah a ho dah a tha ti khi zoh chih in vote pek thiam kan hau.

Central tiang na vote a san tlaih lo ding mi kha cu a paam tuk. 2015 ah khan Rakhaine ram le Shan ram ah anmah miphun party bak an rak dirpi hna I an vote ngai ngai hna. An mah state ca te lawng a si I, state mp tiang cu an va pha kho sawk. Nain, zei rian hmanh an tuan kho lo. Tender sawk ding lawng an hngak cio ko an ti.

Kan phunghram hi a tha lo. Remh ai hmanthlak mi Democracy party NLD tu ah hin kan I fonh hmasat a hau. Phunghram an remh khawh cang hnu ah cun mah miphun party a duh lo le a tanh lo ho dah um lai.Tutan 2020 thim nak ah hin cun NLD hi, kan mah tlangcung mi le Khrihfa caah an tha bik ko. Tur ( Poison) an ngei lo bik.

75% Chung lawng ah ai zuam ding a si I, NLD nak tha deuh kan ti Len lio le kan I en tai karlak ah Ralkap party USDP nih vote tam deuh rak hmu ziar seh law 25% he an vun fonh ah cun Rampi cozah an ser than ko lai.USDP an kai citcet 969 ti mi kawl phungki Extreme pawl kha na thei bal ma?? Myanmar ram ah an mah Biak nak lo cu illegal Biak nak lawng te a si an ti. Kawl mi le Kawl Biak nak lawng hi phun sang kan si ti pawl kha an tho than lai. Mah lawng chim rih ning .

Na vote hi kan rampi a thleng kho tu ding vote a si kha philh hlah. Rampum pi ai thlen hmasat lo in kan mah Chin state lawng kan mah te in kan I uk lai I, kan thlen lai ti cu capo seih bantuk a si. Fiction sawsawh tluk a si.Na miphun na dawt, miphun dawt nak le ram dawt nak na ngeih mi cu kan in upat bak ko. A lawmh zong kan I lawm bak. Nain Myanmar ram ah um mi kan si rih mi hi philh hrimhrim hlah. Mizoram bantuk kan si rih bak lo hih. US ram, federal state bantuk zong kan si lo khih. A cuanh nai palh sual lai mu.

Kanpu thing TS le a ralkap pawl an rap ( Trap) ah kan ram mipi kan tla sual than ah cun, Voi nolh thawh a har tuk sual lai.Myanmar rampumpi politic le a tu kan hman kan zulh cuah mah mi 2008 phunghram pi khi zoh chih a hau. Advance tuk in maw extreme tuk in kan miphun kan dawt le ram kan dawt lung in kan nganh sual lai ti ka phan caah si.

A tu hrawng USDP cawl cangh ning khi zoh hmanh. An te tuai lo khih. NLD e CNLD e kan ti kar ah Mang Khawng nih a kan den khawh men hi mu.Kan Lai phungthluk ah : A ruh tum hlah a hang na hap lai ti khi kan hluan sual lai e.

Ka lawm
Credit
Aung Kyaw Oo

Noted:
Kan Chin Miphun Covo kan Lakkhawh tthannak Lai NLD Vote hna uh sih.
Ralkap Uknak, hnulei kan kir thannak hnga lo, NLD Vote hna uh sih.

Be the first to comment

Leave a Reply

Your email address will not be published.


*