Nay Win Le A Hawi Le Chan Lio I Kawlram Kan Ci Hmih Dih Rak Timh Lio Ah NLD Hi Rak Um Hlah Seh Law Mu

Ralkap nih Kawlram cu caan saupi an duh tawkin an sawksam hnu zongah nawlngeih cu an vuai hlei lo i Kawlram ah Democracy cihmih i anmah nawlngeihnak zungzal hmunhter awkah lam phunphun hmangin an i zuam. 1990 – 2020 tiang ah zei bantuk Tactics le Strategies hna dah an hman timi kan langhter lai.NUP Party an dirh: Kawlram dothlennak a kalpitu NLD teitu dingah Ne Win hnuzul pawl nih 1990 election hlan ah an dirhmi NUP Party cu ralkap nih an dirkamh.

Zei pipa an si lo caah NUP cu hnu an chit than. USDA an dirh: 1993 September 15 ah USDA cu Zatlang Thanchonak Bu phun in an rak dirh. Ram pumpi huap a si i ralkap nih a herhnak   zawn paoh ah hman awkah a si bik. Swan-Aa-Shin ( Misual Bu ): Kawlram chung hmun kip ah a ummi misual rual an khomhsuatmi hna cu Bu pakhat ah an ser i Dothlennak a kalpitu NLD le politics lei i a cawlcangmi paoh a phomhtu le ci hmittu dingah dirhmi an si. Depeyin thahnawnnak zong kha mah hna hi an si. Mah hna kut in mi tampi an thi cang.Myanmar Egress ( Kawlram Luatnak ): Khin Nyunt tawlrelnak in a rak dirmi mifim cathiam pawl phu an si, an hotu cu tleicia Dr.Nay Win Maung a si.

2008 phunghram a thatnak kong an aupi i ralkap duhning kan zulh lawngah kan ram hi aa thleng te lai tiah ralkap a thangthatmi an si i ralkap nih hnulei in an dirkamh hna. USDP: 1993 i Zatlang Thanchonak caah rak dirhmi USDA cu 2010 election lai ah political party ah USDP tiin an thlen zau i ralkap aiawhtu party an si bantukin ralkap nih an hruai. NLD le democratic party pawl vaangkau i a tengtu ding le ralkap uknak hmunhtertu ding caah dirhmi a si.PR System: Proportional Representative System vote thlak ning phun khat a si. Hihi 2012 hnu lei i an aupi mi a si. 2015 election ahcun NLD aa tel cang lai caah kan tei kho ti lai lo ti an i theih caah PR System hmang ve dingin an aupi. NLD vote vialte tthekter an duh caah a si bik.

PR cu a minung si loin party kha vote pek a si i, vote pekmi kha i phawtzamh cio a si caah party pakhat nih vote tampi co khawh a si loh. Hluttaw kipah ralkap 25% um bu le miphun tam tuk a ummi kan ram dirhmun ahcun PR system cu tihnung khi a si. Ralkap nih zungzal cozah an tlaihnak ding hriamnam pakhat a si.Mah-Bah-Tah: Buddhist phuntanh phu hi an dirh hoi. Miphun dang le biaknak dang a rem lo tak takmi an si. Biaknak dang le NLD dohtu an si. Mandalay lei Myik-Htay- Lar buainak le Rakhine i Rihingya buainak chuahtertu ah ruahmi an si. A herh ahcun thahnawn zong poi an ti loh. NLD cozah kai hnu in an daidep. Party phunphun an dirh: Party dirhnak ah a herhmi chawva ah an buai lo i anmah min lang lo tein party phunphun an dirh. An i tinhmi cu NLD vote thektertu dingah a si nain anmah vote lila a thekter. Party a tam paoh ah NLD vote hmuhmi a tam chin chin timi an rak tuak loh.

YMBA: YMBA hi mirang chan lio i rak dirmi Buddhist i hawikomhnak Bu pakhat a si. Kawlram independent hmuhnak ding zongah an rak i zuam ngai i Kawl pawl nih an rak upat ngaimi phu an si. Asinain kan hnung kum hrawng khan chawva hmang theu in a si lai, YMBA hi ralkap lei ah a ttangmi phu ah an i chuah diam ko. Buddhist pawl nih ralkap hi tanh dih hna seh ti duhnak ah a si. A chung i hruaitu pawl zong an rak buai ngai. Ralbawizik zong conglomhnak roca a petu an si i Kawl pawl zong nih an rem huaha ti hna loh.Tlangcungmi taw sawhnak: 2020 election i NLD sunghter awkah 2018 hrawng khan media hmangin tlang an au cang. Mah ralkap tlangautu hna cu – Bo Bo Kyaw Nyein, Bado Man Nyein Mg ( KNU ) Ngun Cung Lian, Kyaw Win te pawl an si. Tlangcungmi nih cun nanmah tlangcungmi party lawng rak vote uh tiah an au.

NLD ke hleng phelhnak caah a si bik. Section 261: Pohmah 261 remh dingin tlangcung party pawl taw an sawh hoi hna. Mah hihi federal kutke tampi lakah pakhat cu a si ve ko nain zeidang remh tung lo in mahte lawng remh ahcun tlangcungmi umnak Pyine vialte ah ralkap nih nawlngeihnak thla a kan zaar hnawh dih te lai. Ralkap power thawnternak Vitamin phun khat a siParty Komh Cozah: Mah hi PLAN tumtlangpi hi cu Ralbawizik nih a hruai. Party tampi kan dirtti lai i cozah kan ser lai an ti. 2019 March 19 ah Pu Zo Zam telh in party 32 hrawng sawm in ton biaruahnak an ngei hna. 2020 August 14 ah a voi hnihnak tonnak an ngei than i a hlan nakin party hruaitu sawmmi zong an tam deuh cang. Mah party komh cozah dirh i amah ralbawizik kha president tuanter ding a si.

Khuaruahhar a simi cu mah ton biaruahnak a voi hnih ningte hin NLD telh in NLD he aa neihniam deuhmi UNA pawl le Ko Ko Gyi hruaimi People Party etc. an sawm chih bal hna loh. Ram caah pumpeknak a ngeimi le dothlennak thinlung a pumi cu sawm an si bal loh. Mah hi Alliance / Coalition government timi zong hi NLD le dothlennak taktak a kalpimi UNA chungtel pawl hna cu zuan lonh in Ralbawizik hruaimi Alliance phu nih cozah tlaih i Kawlram cu ralkap kedan tangah luhter an timhnak plan nganpi a si ko.

Crd, Christina

Be the first to comment

Leave a Reply

Your email address will not be published.


*