Khrihfabu Le Karen (Refugee) Ralzaam Kong. By Berkalh Thawng

Khrihfabu hi Pathian dirhmi a si an ti tawn. Kha kong kha ka chim duhmi a si lo. A chim zong ka chim thiam lai lo. Ramleng ah Khrihfabu dirh a biapit ning le san a tlaih tukning tu hi chim ka duh deuhmi a si. Khrihfabu rak dirh kaa hrawng i kan rak buai tuk ciomi hna kha buai hnawh phu pei a si ko rua hi ka ti phah. Khrihfabu tiang kan rak i ṭhen phah tawnmi hmanh kha atulio kan dirhmun in cun vanṭhat ti khawh hmanh a si men ko hnga dah.

May be an image of 4 people, people sitting, people standing, tree and outdoors

Cucu, atulio CDM kong le a dangdang thawhbur kongah Khrihfabu a rak biapi tuk i, san a tlai tuk hringhran ko. Norway ah Laimi milurel 2000 kan tling lo nain, tutan CDM le a dangdang thawhbur kan thawhmi kaa lunghmuih bak ko. Bawipa nih a letzaa in thluachuah chin ko seh. Tawlreltu ka si lo caah a zah set cu ka chim lai lo.

Karen Ralzaam : Khrihfami kan si ko hna caah atulio Karen ralzaam pawl khi Laimi Khrihfabu kip nih voikhat in zuanhnawh ve tuah hna usih law, zuanhnawh phu bak an si ko tiin ka ruah. MAH te ho nih vanlawng in bomb an thlak hna caah an khua an chuah tak dih. Thailand ramah an zam i, Thailand cozah nih an rak ṭhawl hna. Vawlei khur an i cawh i, vawlei khur chungah khua an sa. A zawmi an um, fa a hringmi an um. Zoh ah celh a si lo. Zaangfak an si. Hrauitu kan pale hna nih kan hrihhawh tuah hna sehlaw, a phu ko tiin ka ruah.

May be an image of nature
Ziah, Kachin zong ta ti khawh a si hnga. Kachin hi unau kan sinak in kan i pehtlaih ngai ko. Voikhat Khrihfabu kip nih kan rak zuanhnawh bal cang rua ka ti. Norway in NCCF hrihhawhnak in kan rak zuanhnawh ve pinah keimah le ka hawi le pahnih thum nih Fund raising kan tuah i tangka tam nawn kan rak kuat bal hna. Kachin mi nih an upat ngaimi Kachin Baptist Convention i Rev. Dr. Samson nih telephone a rak ka chawnh i lunglawmh bia a rak chim len. Norway um Kachin pawl nih laksawng ah Kachin zal an rak ka peek. Atu tiang kaa chiah ko.

Be the first to comment

Leave a Reply

Your email address will not be published.


*