Khah NLD HalKha Cozah Tha Tein Ruat Uh

Chin ram Mindat Peng (Aung Shwe Thar) Khua Cu Magwe Ramkulh Chungah An Khumh Cang,Khah! NLD Halkha Cozah țha tein ruat u hih! Mipi sinah nan thanh lo nain kan in theih cang hna hih. Kan Chin ram chungum Aung Shwe Thar Khua cu Kawlram ah nan kan khumh piak cang hih.Aung Shwe Khua hi Mindat peng arak si zungzal.

2010 le 2015 election zongah Mindat peng chungah vote pekmi khua asi. 2020 ahcun Union Cozah bak nih Țhilin peng (Magwe ramkulh) chungah (31-12-2018) ni ah tazavuan tein an khumh cang.A tuanbia tawi tein chim ka duh. Aung Shwe Thar khua hi USDP cahnak khua asi i, U Hung Ngai (CM hlun) nih U Aung Than (NLD) cu fak tukin a rak teinak khua asi. U Aung Than cu Chin Pine Hlawtdaw ah Vice Chairman arak si nain eihmuar ruangah an puahmi pa kha asi.

U Aung Than fanu i a pasal cu Mindat Pyithu Hlawtdaw (MP) U Ne Lin Aung (Kawl) asi. U Aung Than nihhin Aung Shwe Thar khua ah Vote a sungh tik ah a thin a hang tuk i “I theih uh Țhilin Peng chungah kan khumh te hna lai” tiah a rak i hrocer lengmang anti. A fanu pasal MP U Ne Lin Aung cu Ramri lei ah tuanvo ngeitu asi ve hoi. U Ne Lin Lin Aung (Mindat MP) nih Aung Shwe Thar khua cu Magwe ramkulh asi tiin a colcang lengmang i baho/hlawtdaw tiang a tinpiah caah atucu Magwe peng kulh chungah an khumh taktak cang.

( Miphun thleindannak cu si bak loin U Ne Lin Aung (Kawl asit) hna Chinram aiawhtu MP asi hicu apoi taktak ko) Ziah! Kan ram asimi Aung Shwe Thar khua hi Magwe ramkulh chung an khumh ahhin Chin NLD cozahpi nan dai ko. Ziah mah tihin maw kan ramri cu an kan det lengmang ko lai. Kalemyo lei in an kandet cang i an kan det cuahmah hoi. Kan ramri le kan vawlei kilven a herh tuk cang lo maw? . Chin NLD cozah nan tuan chungah kan ramri det kan tawng lengmang. Zeitital in action nan la lai lo maw? Vai lak ko hna seh nan ti dah? Pe ko hna usih nan ti dah?

Crd, Jacob Thang

Be the first to comment

Leave a Reply

Your email address will not be published.


*