Kan Laipa Mifim Cathiam Vial Te Nih NLD An Dirpi Nak A Ruang

Kawlram Politics21 Century chung cu Democracy fek tein a dir khawhnak ding i zuam cio ding a si. Pi Suu lawng rinh lo ding. Miphun dang cu chim lo Chinmi hruaitu hna Pu Lian Uk, Pu Zing Cung, Dr. Sui Khar, Dr. Lian Hmung Sakhong, Dr. Sasa, Salai Bawi Lian Mang,

Salai Thla Hei… tbt hna khi NLD party ah an luh awk, an hruai awk, a si. Hmailei pi ca tiang.NLD hruainak a hmunh paohpaoh ah federal democracy le self determination le a dangdang kan hui te hnga, ka ti.

Peace Talk hi cu vawlei a dongh hlan tiang paoh a rau kho men.NLD ah Chim mi dihlak in ttan a hau.Cucu kan miphun caah lam kau bika si.Zeiti khin dek nan hei ruah cio!!!

Atang hi rel chap

Kawlram pi Thlen nak ding ah (NLD) Vote hna Usih. NLD Party cu, Kawl miphun Party lawng silo in, kawlram Pumpi Miphun dih lak komh Party Asi ti kha Fiang taktak cang hna Usih, CNLD zong hi, Chin miphun Ai awh asi lem loh, Chin mi phun dih lak nih pom mi Asi loh, NLD tu hi, Chin miphun dih lak pom mi Party pi Asi deuh ti zong Fiang taktak cang Usih.

Kawlram cu, 1962 in Newin nih hriamnam in Uk nak a lak hnu kum 60 hrawng Newin le A Party 10% nih Tlangcung mi le An mah kawl mi phun he Sal tuah in an kan tuah. Mah tlaih hip uk nak cu, Aungsan sukyi le NLD nih An doh ti cu Zapi theih Asi. NLD nih term khat chung an hruai chung ah kan kawlram cu thil tam pi Ai thleng, Cu caah, An lo hma An lim khoh lo mi, 2020-2025 term hnih chung lim khoh nak ding caah Vote kan pek hrimhrim ding asi.

NLD nih Party dang sawm hau lo in, tei nak Ahmuh ah cun, Atu VP Henry Vanțhio zong Aliam cia Ațuan chung ah, Felfai te le Minchiat nak Pakhat hmanh nei loin Arian Ațuan khoh caah, Arian ah Adir țhan lai, Cun Dr, Sasa he an van i bawm lai i, Dr,Sasa nih NGO lei si seh Zei dangdang in Ramdang in bomh nak Aphunphun in kan Chinram An Sersiam lai caah, 2020 thim nak cu NLD hrim kan thim thiam ngaingai Ahau taktak mi kan si.

NLD Party ţanh hi kan Miphun dawt lo si loin, kan dawt ca tu ah Asi deuh, Atu lio 2008 phunghram in cun, Local Party CNLD in Azei ti lei hmanh in, kan ram Sersiam khoh nak lam Aum loh. Cu caah, kanChinmi phun Mifim le bochan mi nih Atu lio, 2008 phunghram nih a donhkhanh tuk caah NLD hi dir pi rih ah Ațha an ti nak Asi An hruh caah asi ti cu puh ti hna hlah uh, Atu lio kan au lenmi Coalition Government hna hi cu, hmai le kawlram Democracy kal pi nak ah țhat nak a panh kho lo.

Coalition cu Party komh Cozah Asi bantuk in, Policy le Manifasto Ai khat lo mi lawng te an si caah, Cabenet Meetting ah lung ai rual kho lo i, Party pakhat nih Adinh tak hna i thim nak tuah ţhan ti ban tuk asi tawn i Cozah ttha asi kho lo, Ralkap nih caan țha lak Afawi te. Kawlram Ralkap lungput tiah ka rak tial cang Arel mi nan um țheo lai, kawlram Ralkap cu, Ramdang Ralkap bantuk an si lo.

Newin nih hriamnam in Uk nak alak hnu in, Amah nih Azumh mi hna Mizawn ruah nak ngei lo pawl Milung khat phur pawl kha Reng(Rank) Akai ter mi hna an si caah, Atu zong Vawlei cung ah um bal lomi Hluatdaw chung ah Hring zuai in, 25% an țhut nak Asi, Cu caah mah Ralkap do kho tu ngaingai cu NLD dah ti lo cu, an um loh, Party Fa tete hna cu, hawi kom i ser ah cun, an cațhat nak cu van chim lo, Aseh beh hna lai..

NLD nih lo Avah mi hi bomh i Aduah khawh in kan mah le hmum hma cio ah Ri kan khaan lai Thlam kan sak lai thlai kan cin te lai. Cu ti si loin, loduah hlan i Thlam sak kan timh ah cun, Asi thiam lo cuh. Cu caah kanram țhat nak le kan Covo lak kan duh ah cun, NLD Party lawng in Lam a um chun mi pakhat lawng asi, 2020-2025 cu Aungsan sukyi Nun chung te hi cu NLD hi țanh chung ko hna Usih tiin. By Sangling Thantlang.

 

Be the first to comment

Leave a Reply

Your email address will not be published.


*