Kan Fapa AA Ral Kap Nih An TlaihNak Thla Riat Si Cang

𝙆𝙖 𝙛𝙖 𝙋𝙖 𝘼𝘼 π™£π™žπ™ 𝙖𝙣 π™©π™‘π™–π™žπ™π™£π™–π™  𝙩𝙝𝙑𝙖 8 π™¨π™ž π™˜π™–π™£π™œ;
Thla riat a reng ti lo nain zei thawngpaang hmanh kan thei kho lo. Nifatin in kan lungretheih hi a thar tthan peng. Ka fa pa caah kan lungretheih dang khat,Covid19 rai ruang ah dangkhat chungkhar kong ah dangkhat tiin lungretheih peng hi Nu le Pa dirhmun hin a tuar har tuk” tiah a fa pa caah lungretheih in a ummi Daw Saung nih a chim.

Kan hnu kum December 242019 ah lah-wah-kah-hmu U Myoe Swe Oo , U Tin Myoe Aung le U Aung Kyaw Phyoe cu AA ralkap pawl nih khual an tlawnnak lampi ah an tlaih hna.Kei cu ka fa pa kut ke a to mi ka si i , an tlaih kaa in nihin tiang zei lahkhah hmanh a ei ti lo caah vaansang in ka um ko. An mah zung zong ka chawnh tawn ko hna nain lahkhah cu chim lo, rak kan chawn ti hlah, na fa pa cu a luat hmanh ah rian a lut kho ti lai lo,” tiah an ka ti, tiah Daw Saung nih a chim.

BBC lei nih lah-wahh-kah an Chairman cu chawnh an zuam nain khual ka tlawn lio a si, a ti hna i phone a thlak, tiah an chim.An tlaihchih vemi U Tin Myoe Aung zong a chung le nih a luatzok nak hnga an biaknak phung ning tein thlacamnak an neih piak tawn ve, ti a si.AA ralkap nih an tlaih tawnmi hna cu dothlatnak an tuahpah I an hremnak hna ah a nunnak liam mi zong an um len ti theih a si.

Rampi nih Geneva Convation ah min an thutnak ah cun hriamnam aa put lomi minung cu tlaih, thah le hremnak an cung ah tuah a ngah lo , ti a si.

CC: BBC Myanmar

Be the first to comment

Leave a Reply

Your email address will not be published.


*