I Ralrin Tak Hau Hih,My Odredoo Myanmar App A Him Ti Lo Tiah Lo Tiah Phuan A Si Cang

My Ooredoo Myanmar App A Him Lo Tiah An Phuan,Qatar ram hrambunh telecommunication company a simi Ooredoo nih Myanmar ah an tuahmi My Ooredoo Myanmar App cu security lei kam ah a him lo tiah MISA
(Myanmar Information Security Association) nih a phuan..

My Ooredoo Myanmar App hi a hmang tu hna i an pumpak konglam (information) kha a hleihluat tuk in a hal hna leng ah, a hmangtu hna i an information pawl kha Server ah an kuat tikah, Password zong hmang loin an kuat ti a si. A herh lo ah, App a hmang tu hna an phone chungah Features/service pawl luhnak ding ah a hal hna leng ah, phaisa peknak zong ah an phaisa a him lo tiah MISA nih a phuan mi a si.

Tih a nung ngaimi pakhat cu hi App nih hin, Cozah nih a chuahmi Information halnak nakin a tam deuh i, a cheukhat data pawl cu an Company ca ah an hman leng ah Telecommunication Company sin ah an zuar tiah theih a si.MISA timi hi Czech ram ah hrambunh mi Civil Sphere Lab program in an hlathlainak pakhat a si. An nih hi Journalist, Nuhrin covo huppheng tu hna, activist pawl le mipi ca ah Digital fimthiam nak lei in harnak an tong sual lai tiah a ngiathlai tu phu an si.

Myanmar ahhin Cyber Law a um rih lo ruangah hibantuk hi sukremh dingah a har ngai tiah MISA Director U Linn Ye Htun nih a chim. Vuanci zung zong nih hlathlainak a tuah lo tiah theih a si. Atulio Myanmar ramkomh chungah Ooredoo hmangtu 14.8 million milu an si.

Ramchung ah MPT, Ooredoo, Telenor le MyTel timi hna hi Telecommunication Company pawl an si hna i, Mobile a hmangtu nuai 91 an si tiah Vuanci zung nih a thanh. A tulio Myanmar ramkomh chungah nuai 50 hrawng lawng milu an si nain, minung pakhat nih SIM card pahnih in pathum tiang a hmang mi an um tiah theih a si.Source: Irrawady. Crd Chin Procasting network/Note, mipi hna nih theih herh tiah ka ruah caah ka tar chin mi si.

Be the first to comment

Leave a Reply

Your email address will not be published.


*