Breaking News : UK Minister For Asia Nigel Adam Le Dr Sa Sa An I Tong Kho Cang.

Nihin ah khan UK (United Kingdom ) minister for Asia Nigel Adams le laimi kan Chinmi nih kan i bochan taktak mi Dr Sa Sa cu an i chawn ko cang tiah myanmar celebrity tv club nih a chim. Mah an i tonnak kong hi Dr Sa Sa nih a dirhmi CPRH (Pyidaungsu Hluttaw Representative Committee) kong an ceih. Cun Nigel Adams Minister for Asia zong nih hin Dr Sasa cu lung lawm tein a welcome tiah theih a si fawn.

Uk minister for Asia zong nih hin kawlram kong zong tampi a chim ve. Ralkap nih uknak an laak nak si seh cun mipi an thah ning hna tiang in a duh lonak tampi zong a chim ve. Adams nih a chim rih mi cu kawlram nih hin luatnak (independence) hi a herhtuk ve tiah a chap rih fawn.

MIN AUNG HLAING NIH TANGKA TING 100 BAK A THAAP CANG HIH

Min Aung Hlaing nih tangka tam taktak thaap in minung a kawl cang. A hmu mi paoh kawlram tangka in ting zakhat kan in pek hna lai tiah thanhnak an tuah. Mithat lainawng Min Aung Hlaing nih tangka ting zakhat phalh in mipi lemsoinak a tuahmi le a kawlmi pa hi midang si loin Mandalay mino hruaitu Dr. Tay Za San a si.

Tleih dingin an kawl cuahmah nain a tutiang an tlai kho lo. Cutikah atu bantuk in tangka phalh in Min Aung Hlaing le anau le nih zapi sin ah thanhnak an tuah hi a si. Hi bantukin ram mipi sin ah thanhnak an tuah tikah Mandalay mipi pawl an um kho ve lo i, ralhrang kawlralkap pawl hna cu misual min cazin an khumh hna i khualak ah an hmantlak an tar ve hna.

No description available.

Tutan ah ralhrang kawlralkap nih tleih dingin an kawlmi Dr Tay Za San cu a liamcia february ni nga thok in Manday lamzawhnak ah hmaisuang in a dirmi a si i, kan hnu zarh tiangah biatak tein mipi a dirkamhtu le a hruaitu hna zong a si. Ralttha taktak in mipi a hruai hna ruangah Min Aung Hlaing le a ralkap pawl nih tleih dingin tangka an phalhnak zong hi a si.

Kawlralkap ralhrang hna nih motor tampi he Dr Tay Zan San cu nizan tihni ah khan a umnak inn ah an kal hnawh nain amah an tlai kho lo. Curuang ah a umnak inn chung thilri tampi zong an hrawh pin ah tthenkhat zong an fir piak. Hi kongah Dr Tay Za San nih a chimmi cu ka inn ah an kal i, thilri tampi an hrawh pin ah tthenkhat an fir tiah mipi sin ah a chim.

No description available.

Be the first to comment

Leave a Reply

Your email address will not be published.


*