RAMCHUNG UMMI I RALRIN TAKTAK AHAU CANG HIH, RAK I TEL BAK HLAH UH

Myanmar Ram Mipi Ralring Peknak( Nawlnak) Thongtla pawl an chuah kho men. Minthang phungki Wiyahtu, Bulet Hla Shwe, Micheal Kyaw Mint le kum tam thongthla misual vial te kha Ralkap Min Aung Hliang order in thonginn an chuak kho mi a si. Mah hna pawl nih rampi buaiter ding in hramhram an tuah ter kho. Sandah piahnak, cheukhat nih NLD uniform aih in lampi chuah au le buaiter bantuk in an tuah kho ko.

Suimilam 72 chung tiang rami dai tein an um ko a si ah cun Ralkap cu Ramdoh tu Tapung ah upadi nih fehter a si lai I vawlei cung ramkip nih mawh phorh a si te lai. Cucaah rampi minung poah Lam zawh lo in mah le inn te ah dai te in um cio ding a si. A tu upadi ning te in Ana(nawlngaihnak) lak khawhnak nawl hi suimilam 72 tiang lawng rikhiah a si.Mah can chung hmanh kha zeiruang ah ana(nawlngaihnak)a lak ning kha fianghter a hau te lai.

President a tuan lio mi U Win Mint lawng nih (Kalung) timi rampi ah buainak maw thil dang ruang ah a herh cang a ti lawng ah auhmi-a si.Mah tik lawng ah U Win Mint nih a President sinak kha mi dang sin Minsen(Lehmeh thut) mi kha United Nation(UN) le ramkip nih an zohlio Myanmar ram sinak kha an I fiang dih lai. Mah thil vialte fiangternak a um lo ah cun ramdo tu(Tapung) an si. Thih tiang dantatnak nawl a um.

Suimilam 72 chung tiang ramchung mipi dai tein um hi hramhram in nawlngaihnak chut tu ralkap kan duh caah a si hrimhrim lo. Ralkap Min Aung Hlaing te phu nih hramhram in nawlngaihnak an lak tik ah ramchung mipi buaiter kha an rian a si te lai. Ramchung mipi lungfahter le um thiam lo in tuah le lam zawlh ter kha an rian lawng a tang. An tuah dingmi Rap foih in Lam zawh bak ah cun rampi minung palh a si cang.

Ana(nawlngaihnak) an lak cawlh kha a si ko.(Mikip nih theih cio mi zong a si kho lai). Cucaah Innchung ah dai te in duhlonak langhter (non-violence ) khawh mi thil tampi a um. Nizan ah Yangon ah cun mah inn cio ah Khuang le dar tumnak, Phayaungdiang vannak, hla aw tangpi saknak, au khuangnak phunkip in an rak tuah cio. Siibawi(Doctor) le Nurse le Engineer le cozah riantuan mi hna nih ralkap kuttang ah riankan tuan kho lo tiah an ti I zung an kai ti lai lo.

Internet an on ruang ah Myanmar ram mipi nih hnangam tuk ding a si kho rih lo.A cunglei ka ca tialmi ah a baumi(Atling lomi)tampi a um ko lai. Thinphannak he ka tial caah a si. A leng chuak in Lam zawh lo ding tiah kan nawl hna. Mi chim poah zumh lo ding. Credit: Chelsea Bawi

The Hakha Times. Update news:Hakha Ralkap sakhaan ah Hluttaw Speaker Pu Zo Bawi tel in Minung 4 hren an si rih, Minister Housing in February 4 ah chuak dih u, an ti hna. Hakha Rungtlang Ralkap Sakhaan (266) ah Hluttaw Speaker Pu Zo Bawi, Hluttaw Vice Chairman Pu Tic Thang, Sipin le Electric Minister Pu Soe Htet le La-Wa-Ka Minister Pu Phwe Arr cu February 3, zinglei 9:00 tiang hren an si rih i a dang zong atu Minister Housing (Vuanci inyar) in February 4 ah chuak dih u, an ti hna, tiah kan theih.

Chin Ramkulh Chief Minister Salai Lian Luai tu cu February 2 ah an thlah than cang, tiah kan theih.Hi kong ah Hakha Ralkap lutlai (Beuharhmu) U Thant Zin Oo nih, “Zeitik tiang hren ding le thlah than ding an si cu kan hngal kho ve lo,” tiah The Hakha Times ah a chim. Minister Pu Sui Thio nih, “Keimah, Minister Pu Pau Lun Min Thang, Minister Pu Vui Kaw, Minister Pu Mang Hen Dal cu an kan thlah ko. An sakhaan an kan hren lio ah rawl tha tein an kan pek ko. Kan thitum-kai tiang in an kan zohfel ko. Ministers 4 hi an kan thlah.

Minister Pu Phwe Arr belte hi an hren rih ko rua, an thlah ti thawng ka thei lo. Anmah ralkap nih an kan ti ning ahcun, February 4 khi nan umnak inn in chuak dih cang u. Khual tlawng hlah u. Chungkhar he hmun khatte ah um ko u, an kan ti,” tiah The Hakha Times ah a chim.Ralkap nih February 1, zing ah kum khat chung nawlngeihnak an laak. “Kum khat hnu ah thimnak kan tuah than lai i a tei mi party sin ah nawlngeihnak kan pek te hna lai,” tiah an thanh. Atu hi Chin Ramkulh Cozah in tuanvo ngeitu upa minung 4 zong Rungtlang Ralkap sakhaan ah hren an si rih, tiah kan theih. Credit: The Hakha Times

Be the first to comment

Leave a Reply

Your email address will not be published.


*