Ngaihchiatnak Kan Tong Pi Tial Rem Iang Nih Mual Akan Liam Taak.

Thih Dar.Malaysia khuasa lio Tlangkhua mi Pi Čšial Rem Iang nih thluak lei zawtnak ruangah tuzing Malay sizung pi ah mual a kan liam tak. A pasal cu Hmunthar khuami Pu Ral Lian Kap asi. Fa pahnih a roh tak hna. Tantak mi chungkhar caah thlacamnak in bawm cio hna usih.

Credit: Global Khualhring Tlang TEFA.

BREAKING NEWS: RALKAP NIH VANZANG TLANG NI 5 CHUNG AN PHIH HNA: Breaking News- Vanzang Tlang khua 6 Ralkap nih ni 5 chung curfew. Thantlang Peng Vanzang Tlang khua 6 cu April 21 in April 25 tiang (ni 5 chung) Kawl Ralkap nih khualeng chuah an phih (curfew) tiah kan theih. Hi kong ah khua pakhat in khuami pakhat nih, Ni 5 chung leng chuak hlah u, an kan ti i a nicaan an chap te hnga dek maw.

Thantlang lei kal aa thawh mi zong Sopum khua in an kirter hna. Zeiruang bik ah dah curfew a si tu cu kan hngal kho ve lo. Zahnak Tlang le Khualhring Tlang lei tu cu an kham rua lo,” tiah The Hakha Times ah a chim. Atu hi Vanzang Tlang Sopum khua, Zahnak Tlang le Vanzang lei lampial ah Ralkap nih hmunhma an khuar i an um. Credit: The Hakha Times.

May be an image of sky and text

Relchih:Thawngpang ttha taktak si ko cang hih. Kawlralkap ralhrang lutlai pawl anmah le anmah karlak ah an lung aa khat ti lo. Abiapi taktak mi ralkap bawi pawl hna cu an tleih cang hna. Kawlralkap ralhrang hna nih hramhram in uknak an lak hnu ah tthenkhat ralkap bawi hna cu mipi sin ah CDM an tuah i an rian a chuahtak mi tampi an um cang hna. Tutan ah ralhrang ralkap bawi zong an buai cang.

Min Aung Hlaing khuakhan lairelnak a duhlomi ralkap bawi hna cu an tleih thluahmah cang hna. Tthenkhat cu ralhrang bawi Min Aung Hlaing kut in chuah an duh ko hna nain an nupi fale chungkhar zawn an ruah ruangah zeihmanh an chim ngam lo ti asi. Hi konghe pehtlaiin Min Aung Hlaing kuttang um a duh ti lomi ralbawi hna cu nizan ah khan an tleih cang hna.

Lashio headquaters ah Eastern Command, General Ya Pyit ( C in C Eastern Command) cu nizan april ni 20 ah khan an tleih i, Army Headquaters ah an chiah pin ah midang ralbawi general minung hleikhat zong an tleih chih hna. An tleihmi ralbawi pawl hna hi fiangtein an min langhter a si lo nain Gen. Ya Pyit le Lt.Gen. Nyi Nyi Swe, Maj General Maung Maung Zan.

Cun Maj General Than Oo hna an i tel tiah theih asi. Hi konghe pehtlaiin ralhrang kawlralkap hna nih a cunglei an tleihmi hna he pehtlaihnak angeimi hna zong an tleihmi an um ngai cang ti asi. Tutan ah an tleihmi chungah ralbawi Ya Pyit cu meithal in an kah hliamh tiah an chim chih. Atu bantukin ralhrang khuakhan lairelnak anmah ralkapbawi pawl lila zong an i zum ti hna lo i, an lung aa rual tilo ti a si. Credit: TCC

Be the first to comment

Leave a Reply

Your email address will not be published.


*